Ysay 22:4 - An Bibel Kernewek 20234 (Kernewek Kemmyn)

⁴ Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 22:4 ပူးပေါင်းရင်းမြစ်များ

Ester 4:1

Lemmyn pan wodhva Mordekay pup-tra a via gwrys, ev a skwardyas y dhillas ha gwiska yskar ha lusu, ha mos yn-mes dhe gres an sita, ow kria gans garm ughel ha hwerow.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Ysay 15:3

Y'n stretys i a omwrogys gans yskar; war an tohow hag y'n plenys pubonan a oul, owth oela dagrow.

Ysay 33:7

Otta, gwer golonnek a gri y'n stretys; kannasow kres a oel yn hwerow.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 31:15

Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Yeremia 8:18

Nyns eus eli rag ow anken; ow holonn yw klav.

Yeremia 9:1

Unnweyth a pe ow fenn dowrow, ha'm dewlagas fenten a dhagrow, mayth oellen dydh ha nos rag an re ledhys a vyrgh ow fobel!

Yeremia 9:18

Gwrens i fistena, ha kemmeres yn-bann kynvann ragon, may tiverro agan lagasow gans dagrow ha may frosso kreghyn agan lagasow gans dowr.

Kynvannow 2:11

Ow dewlagas a fyllis der oela dagrow; ow holodhyon yw troblys; ow bystel yw diverys war an dor drefenn terroes myrgh ow fobel, drefenn an fleghes ha'n re ow tena dhe glamdera yn plenys an sita.

Ezekiel 21:11

Ev a'n ros dhe vos rutys splann, rag bos dalghennys y'n leuv; lymmys yw, an kledha yw rutys splann dhe vos gorrys yn leuv an ladher.

Ezekiel 27:31

I a omvoelha ragos hag omwrogysa gans yskar. I a oel warnas yn hwerowder enev, gans kynvann hwerow.

Mika 1:8

Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Matthew 2:18

‘Lev a veu klewys yn Rama, oelva ha galarow tynn, Raghel owth oela rag hy fleghes ha ny vynna bos konfortys, rag gyllys yns i.’

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Luk 1:2

kepar dell vons delivrys dhyn ni gans an re o testow ha menystrys a'n ger a'n dalleth;

Luk 19:41

Ha pan dheuth nes, ow kweles an sita, ev a oelas warnedhi,