Ysay 22:23 - An Bibel Kernewek 20234 (Kernewek Kemmyn)

²³ My a wra y gentra avel ebil yn tyller sur, hag ev a vydh tron a glori rag chi y das.

Ysay 22:23 ပူးပေါင်းရင်းမြစ်များ

Ezra 9:8

Ha lemmyn, rag termyn berr truedh re beu diskwedhys gans an Arloedh agan Duw, ow kasa dhyn remenant, hag ow ri dhyn troesla fyrv yn y dyller sans, may klerhaho agan Duw agan dewlagas, ha ri dhyn tamm a dhifresyans yn agan kethneth.

Ester 10:3

Rag y feu Mordekay an Yedhow nessa wosa myghtern Ahasuerus, ha bras yn mysk an Yedhewon, ha meurgerys gans y vreder pals; ow hwilas les y bobel, hag ow kewsel kres dhe oll y has.

Ester 4:14

Rag mar tewydh yn tien y'n eur ma, ha difresyans ha selwyans a dheu dhe'n Yedhewon dhiworth tyller arall, ty ha chi dha das a vydh distruys: ha piw a woer na vesta devedhys dhe'th savla ryel rag termyn a'n par ma?’

Job 36:7

Ny gemmer y dhewlagas dhiworth an den gwiryon, mes kepar ha myghternedh ev a's sett war dronyow ha'ga ughelhe bys vykken.

Ekklesiastes 12:11

Geryow tus fur yw kepar ha pigeryow, ha lavarow kuntellys yw kepar ha kentrow takkys fast; i re beu res gans unn bugel.

Ysay 22:24

I a greg warnodho oll glori chi y das, an agh ha'n askorr, oll an lestri byghan, dhiworth an bollow bys an pottow.

Ysay 22:25

Y'n jydh na, yn-medh Arloedh an luyow, y fydh removyes an ebil a veu kentrys yn tyller sur; treghys vydh, hag ev a goedh, ha'n begh esa warnodho a vydh treghys mes, rag an Arloedh re gewsis.

Zekaria 10:4

Dhiworto y teu an pennmen, dhiworto an ebil, dhiworto gwarak an gas, dhiworto y teu pub rewler.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.