Ysay 22:18 - An Bibel Kernewek 20234 (Kernewek Kemmyn)

¹⁸ Ev a wra dha vaylya yn stroeth avel pellenn ha dha dewlel yn tir efan. Ena ty a verow, hag ena y fydh dha jarettow splann, ty veth dhe ji dha vester!

Ysay 22:18 ပူးပေါင်းရင်းမြစ်များ

Job 18:18

Ev yw herdhys dhiworth an golow a-berth y'n tewlder, ha helghys yn-mes a'n bys.

Salmow 52:5

Duw ynwedh a'th tistru bynitha; ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew. Sela.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 22:17

Otta, an Arloedh a wra dha dheghesi dhe-ves yn harow, ty wour; ev a sett dalghenn ynnos devri.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’