Ysay 22:12 - An Bibel Kernewek 20234 (Kernewek Kemmyn)

¹² An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 22:12 ပူးပေါင်းရင်းမြစ်များ

2 Kroniklys 35:25

Yeremia a gewsis kynvann war-lergh Yosia; hag oll an ganoryon ha'n kanoresow re gampoellas Yosia yn aga hynvannow bys y'n jydh ma. I a's gwrug ordenans yn Ysrael. Skrifys yns y'n Kynvannow.

Ezra 9:3

Ha pan glewis vy an dra ma, my a skwardyas ow dillas ha'm mantell, ha tenna yn-mes blew ow fenn hag ow barv, hag esedha dyegrys.

Nehemia 9:9

‘Ha ty a welas galar agan tasow yn Ejyp ha klewes aga kri ryb an Mor Rudh,

Job 1:20

Ena Job a sevis ha skwardya y bows, ha treghi gols y benn ha koedha war an dor ha gordhya.

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Ekklesiastes 3:4

Prys dagrewi ha prys hwerthin; prys kyni ha prys donsya.

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Ysay 26:10

Mars yw favour diskwedhys dhe debelwas, ny dhysk ewnder; yn tir a ewnder ev a wra anewnder, heb gweles meuredh an Arloedh.

Ysay 29:1

Ogh Ariel, Ariel, an sita may kampyas Davydh ynni! Keworrewgh blydhen dhe vlydhen; gesewgh an goelyow dhe vos a-dro yn kylgh.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Ysay 32:11

Krenewgh, hwi venynes yw attes; skruthewgh, hwi yw fydhyansek; omstryppyewgh ha bedhewgh lomm, grogysewgh agas diwglun gans yskar.

Ysay 37:1

Pan glewas myghtern Hezekia hemma, ev a skwardyas y dhillas, omgwetha yn yskar ha dos yn chi an Arloedh.

Ysay 37:2

Ev a dhannvonas Elyakim, governour an palys, ha Shebna an pennskrifennyas ha henavogyon an oferysi, kwethys yn yskar, dhe Ysay mab Amos an profoes.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Yeremia 16:8

Ynwedh nyns edh yn chi a gevewya, dhe esedha gansa dhe dhybri ha dhe eva.

Yeremia 4:8

Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 7:29

Trogh dha wols, ha'y dewlel dhe-ves, drehav kynvann war an ugheldiryow moel, rag an Arloedh re naghas ha forsakya henedh y gonnar.

Ezekiel 27:31

I a omvoelha ragos hag omwrogysa gans yskar. I a oel warnas yn hwerowder enev, gans kynvann hwerow.

Daniel 5:1

Belshassar an myghtern a wrug kevewi bras rag mil a'y arlydhi, hag eva gwin a-rag an mil.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Yoel 1:8

Gwra kyni avel gwyrghes grogysys gans yskar rag gour hy yowynkneth.

Yoel 2:12

Lemmyn ytho, yn-medh an Arloedh, treylyewgh dhymm gans oll agas kolonn, ha gans penys, ha gans oelva, ha gans kynvann.

Yoel 2:17

Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Yona 3:6

Pan dheuth an ger dhe vyghtern Nineve, ev a sevis a'y se ha diwiska y bows ryel, hag omgwetha gans yskar, hag esedha yn lusu.

Mika 1:16

Omvoelha, ha trogh dha wols rag an vebyon a'th telit; omwra maga foel avel er, rag i res eth a-dhiworthis bys yn divroedh.

Jamys 5:1

Dewgh lemmyn, a dus rych, gwrewgh oela ha kyni war agas galarow ow tos warnowgh.