Ysay 22:11 - An Bibel Kernewek 20234 (Kernewek Kemmyn)

¹¹ Hwi a wrug kreun ynter an dhiw fos rag dowr an poll koth, mes ny virsowgh orth y Wrier na gweles neb a'n furvyas nans yw pell.

Ysay 22:11 ပူးပေါင်းရင်းမြစ်များ

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 17:7

Y'n jydh na den a vir orth y Wrier, ha'y dhewlagas a dreyl dhe Sans Ysrael.

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

Yeremia 39:4

Ha pan y's gwelas Sedekia myghtern Yuda hag oll an soudoryon, i a fias, ha mos yn-mes a'n sita y'n nos, dre fordh lowarth an myghtern, der an yet ynter an dhiw fos; hag ev eth war-tu ha'n Araba.

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Nehemia 3:16

War y lergh, Nehemia mab Azbuk, an rewler a hanter ranndir Beth-sur, a wrug ewnheansow bys yn tyller a-dal bedhow Davydh, bys y'n poll gwrys dre leuv ha chi an gasoryon.

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Myghternedh 20:20

Gweythresow erell Hezekia, oll y nerth, fatell wrug ev an poll ha'n dowrbons ha dri dowr a-berth y'n sita, a nyns yns i skrifys yn lyver kovadhow myghternedh Yuda?

Ysay 22:10

Hwi a niveras chiow Yerusalem, ha terri an chiow dhe gera an fos.

Ysay 7:3

Ena an Arloedh a leveris dhe Ysay, Ke yn-rag dhe vetya Ahaz, ty ha Shear-yashub dha vab, orth penn dowrbons an poll gwartha, ryb fordh Park an Troghyer.