Ysay 21:9 - An Bibel Kernewek 20234 (Kernewek Kemmyn)

⁹ Mir, otta gour ow tos yn charett, gans para a vergh.’ Ena ev a worthybis, ‘Babylon re goedhas, re goedhas; hag oll imajys hy duwow yw brewys war an leur.’

Ysay 21:9 ပူးပေါင်းရင်းမြစ်များ

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Ysay 14:4

ty a gemmer an kows ma yn-bann erbynn myghtern Babylon, ha leverel: Fatell hedhis an turant! Fatell hedhis an omsettyans!

Ysay 2:18

An idolys a dremen glan dhe-ves.

Ysay 21:7

Pan wel ev charett ha para a varghogyon, koloven a asenes, koloven a gowrvargh, goslowes ev gans rach, gans meur a rach.’

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Ysay 47:9

An dhew dra ma a dheu warnas, a-dhistowgh, a-ji dhe unn jydh: koll fleghes ha gwedhowses a dheu warnas yn leun, yn despit dhe'th husow pals, ha galloes meur dha worhanow.

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Yeremia 50:29

Gelwewgh sethoryon erbynn Babylon, oll an re a bleg an warak. Kampyewgh oll a-dro dhedhi; na esewgh denvyth dhe dhiank. Attelewgh dhedhi war-lergh hy gweythresow; kepar dell wrug hi, gwrewgh dhedhi – rag hi re eryas an Arloedh yn falgh, an Sans a Ysrael.

Yeremia 50:38

Syghor erbynn hy dowrow, may fons desyghys! Rag yth yw tir a imajys gravys, hag i yw foll yn aga idolyow.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

Yeremia 51:27

Drehevewgh baner y'n tir, hwythewgh hirgorn yn mysk an kenedhlow; pareusewgh an kenedhlow rag bresel er hy fynn, gelwewgh er hy fynn an gwlaskordhow, Ararat, Minni hag Ashkenaz; ordenewgh kaslewydh er hy fynn, drewgh yn-rag mergh avel hes lokustes.

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Yeremia 51:47

Rakhenna an dydhyow a dheu pan gessydhav imajys Babylon; oll hy thir a vydh gorrys dhe veth hag oll hy re ledhys a goedh yn hy kres.

Yeremia 51:52

Rakhenna otta, an dydhyow a dheu, yn-medh an Arloedh, pan gessydhav aga imajys gravys, hag yn oll hy thir an re woliys a gyn.

Yeremia 51:64

ha leverel, “Yndellma Babylon a sedh; ny vydh ow sevel namoy drefenn an anfeusi a dhrov warnedhi.” ’ Hemm yw diwedh geryow Yeremia.

Yeremia 51:8

Distowgh Babylon yw koedhys ha brewys; kynewgh rygdhi! Kemmerewgh balsam rag hy goli; may fo martesen yaghhes.

Diskwedhyans 14:8

Ha ken el, an nessa anedha, a holyas, ow leverel, ‘Koedha, koedha a wrug Babylon vras, hag a wrug dhe oll kenedhlow eva a'n gwin a sorr hy fornikasyon.’

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.

Diskwedhyans 18:21

Hag unn el galloesek a gemmeras men kepar ha men-melin bras, ha'y dewlel y'n mor, ow leverel, ‘Yndella, gans garowder, Babylon an sita vras a vydh tewlys war-nans, ha ny vydh kevys namoy.