hag erghi dhedha, ow leverel, ‘Hwi a lever yndella dhe'm arloedh, dhe Esaw: Yndellma y lever dha was Yakob, “My re beu trigys gans Laban ha gwithys veuv ena bys lemmyn.
Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’
Yndellma y lever an Arloedh: Rag tri hammweythres a Gaza, ha rag peswar, ny wrav vy hepkorr an kessydhyans; drefenn i dhe dhoen pobel gowal yn divroedh orth aga delivra dhe Edom.
Na entrewgh yn kas gansa; rag ny rov dhywgh travyth a'ga thiredh, hwath lowr rag trettya godhen troes, rag my re ros menydh Seir dhe Esaw avel eretons.