Ysay 20:4 - An Bibel Kernewek 20234 (Kernewek Kemmyn)

⁴ yn kettellma myghtern Assyria a led Ejyp dhe-ves avel kethyon, ha Kush avel divresow, yowynk ha hen, noeth ha dieskis, gans diwbedrenn lomm, meth dhe Ejyp.

Ysay 20:4 ပူးပေါင်းရင်းမြစ်များ

2 Samuel 10:4

Ytho Hanun a dhalghennas gwesyon Davydh ha divarva hanter aga barv, ha treghi dhe-ves aga dillas y'n kres bys aga diwbedrenn, ha'ga dannvon dhe-ves.

1 Kroniklys 19:4

Ytho Hanun a sesyas kannasow Davydh ha'ga divarva ha treghi dhe-ves an rann isella a'ga dillasennow bys aga diwbedrenn, ha'ga dannvon dhe-ves.

Ysay 19:4

My a dhelirv Ejyp yn leuv arlydhi fell; myghtern fers a's rewl, yn-medh an Arloedh, Arloedh an luyow.

Ysay 3:17

an Arloedh a dhre krevennow war glopenn myrghes Sion, ha'n Arloedh a lommha aga thal.

Ysay 31:2

Mes ev yw fur hag a dhre drog; ny dhaskelow y eryow, mes ev a sev erbynn chi an dhrogoberoryon, hag erbynn gweresoryon an re a wra sherewynsi.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ysay 47:2

Kemmer an meyn-melin ha mal bleus, dile dha vayl, destrypp lostenn dha bows, diskudh dha dhiwarr, tremen der an avonyow.

Ysay 47:3

Diskudhys vydh dha noethedh, ha gwelys vydh dha veth. My a dhial, ha ny sparyav denvyth.

Yeremia 13:22

Ha mar leverydh y'th kolonn, ‘Prag y teu an traow ma warnav?’ Rag meurder dha gammhynseth yw diskudhys dha lostennow, ha dha seudhelyow noeth.

Yeremia 13:26

Ytho my ow honan a wra drehevel dha lostennow dres dha fas, may fydh gwelys dha veth.

Yeremia 46:19

Pareus ragos fardellow divroedh, ty annedhyas, myrgh Ejyp! Rag Nof a vydh gwastys hag y fydh distruys, heb annedhyas.

Yeremia 46:26

My a's liver yn leuv an re a hwila aga bewnans, dhe Nebukadnessar myghtern Babylon ha'y wesyon. A-wosa Ejyp a vydh annedhys avel y'n dydhyow koth, yn-medh an Arloedh.

Ezekiel 30:18

Yn Tahpanhes an jydh a dewl, pan dorrav ternwelennow Ejyp eno, ha goeth hy nerth dheu dhe dhiwedh ynni; kommolenn a's kudh, hag yth a hy vyrghes yn kethneth.

Amos 9:7

A nyns owgh hwi kepar ha mebyon an Ethiopysi dhymm, A vebyon Ysrael? yn-medh an Arloedh. A ny dhres vy Ysrael yn-mes a bow Ejyp, ha'n Filistysi yn-mes a Kaftor, hag Aram yn-mes a Kir?

Mika 1:11

Tremen, annedhyades Shafir, yn noeth, methek! Ny dheuth yn-mes annedhyades Sanan; kynvann Beth-esel a gemmer dhiworthowgh y savla.

Nahum 3:10

Byttegyns hi ynwedh eth yn divroedh, hi eth yn kethneth: ynwedh hy fleghes a veu terrys dhe demmyn dhe benn an stretys oll: i a dewlis prenn rag hy thus wordhi, ha'y thus vras oll a veu kelmys yn kargharow.

Sefania 2:12

Hwi, A Kushysi ynwedh – i a vydh ledhys gans ow kledha.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.