Ysay 20:2 - An Bibel Kernewek 20234 (Kernewek Kemmyn)

² y'n termyn na an Arloedh a gewsis der Ysay mab Amos, ow leverel, ‘Ke ha destrypp an yskar a-dhiwar dha dhiwglun, ha digolm dha sandalyow dhiworth dha dreys.’ Hag ev a'n gwrug, ow kerdhes noeth ha dieskis.

Ysay 20:2 ပူးပေါင်းရင်းမြစ်များ

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

2 Samuel 6:20

Ena Davydh a dhehwelis dhe venniga y vayni. Mes Mikal myrgh Sowl a dheuth yn-mes dhe vetya Davydh, ha leverel, ‘Assa wrug myghtern Ysrael enora y honan hedhyw, ow tiskudha y honan dherag dewlagas maghtethyon y wesyon, kepar dell dhiskudh den isel y honan!’

2 Myghternedh 1:8

I a worthybis, ‘Gwiskys o yn dillasenn a vlew gans grogys a ledher a-dro dh'y gres.’ An myghtern a leveris, ‘Elias an Tishbeyas o henna.’

Salmow 30:11

Ty re dreylyas ow hynvann dhe dhons; ty re dhiwiskas ow yskar ha'm grogysa gans lowender.

Eksodus 3:5

Ena y leveris, ‘Na dheus nes; diarghen dha eskisyow a'th treys, rag an tyller may sevydh yw dor sans.’

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Ysay 13:1

Profoesans a-dro dhe Babylon, a wrug Ysay mab Amos y weles.

Ysay 37:2

Ev a dhannvonas Elyakim, governour an palys, ha Shebna an pennskrifennyas ha henavogyon an oferysi, kwethys yn yskar, dhe Ysay mab Amos an profoes.

Yeremia 48:37

Rag pub penn a vydh moel ha pub barv treghys dhe-ves; war bub leuv y fydh skwardyow, hag yskar war an klunyow.

Ezekiel 24:17

Hanas – mes yn kosel; na wra kynvann rag an re varow. Fast dha dulyfant warnas ha gorr dha sandalyow war dha dreys; na gudh dha vinvlew, ha na dheber bara an gynoryon.

Ezekiel 24:23

Agas tulyfantys a vydh war agas pennow, ha'gas sandalyow war agas treys. Ny gynowgh na ny oelowgh, mes hwi a wra pedri yn agas kammweythresow, ha hanasa an eyl dh'y gila.

Ezekiel 4:1

Ha ty, A vab den, kemmer brykk ha gorr e a-ragos, ha delin warnodho sita Yerusalem.

Ezekiel 4:5

My re ros dhis an keth niver a dhydhyow avel blydhynyow aga anewnder, tri hans, deg ha peswar-ugens dydh. Yndella ty a berth anewnder chi Ysrael.

Mika 1:11

Tremen, annedhyades Shafir, yn noeth, methek! Ny dheuth yn-mes annedhyades Sanan; kynvann Beth-esel a gemmer dhiworthowgh y savla.

Mika 1:8

Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Zekaria 13:4

Y'n jydh na, pub profoes a vydh methek a'y welesigeth, pan wra ev profoesa. Ny wisk mantell blew rag may toello.

Matthew 16:24

Ena Yesu a leveris dh'y dhyskyblon, ‘Mar mynn nebonan dos war ow lergh, gwres ev nagha y honan ha kemmeres y grows yn-bann hag ow holya.

Matthew 3:4

Ha dhe Yowann yth esa gwisk gwrys a vlew kowrvargh gans grogys a groghen a-dro dh'y dhiwglun, ha'y voes o lokustes ha mel gwyls.

Yowann 21:7

Ytho an dyskybel na a wre Yesu y gara a leveris dhe Peder, ‘An Arloedh yw.’ Simon Peder ytho, pan glewas y vos an Arloedh, a wrogysas y bows a-dro dhodho, rag noeth o, ha lamma y'n mor.

Oberow 19:16

Ha'n den hag ynno an drog spyrys a lammas warnedha, ow kul maystri warnedha ha'ga fetha, may fisons yn-mes a'n chi na, noeth ha goliys.

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

Yoshua 5:15

Pennsevik lu an Arloedh a leveris dhe Yoshua, ‘Diwisk dha sandalyow a'th treys, rag an tyller may sevydh yw sans.’ Ha Yoshua a wrug yndella.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

1 Samuel 19:24

Hag ev ynwedh a removas y dhillas, ha profoesa a-dherag Samuel yn kepar maner. Ev a wrowedhas noeth oll an jydh na hag oll an nos na. Rakhenna leverys yw, ‘Usi Sowl ynwedh yn mysk an brofoesi?’