Ysay 20:1 - An Bibel Kernewek 20234 (Kernewek Kemmyn)

¹ Y'n vlydhen may teuth dhe Ashdod an Pennkaslewydh, a veu dannvenys gans Sargon myghtern Assyria, ha batalyas orth Ashdod ha'y hemmeres –

Ysay 20:1 ပူးပေါင်းရင်းမြစ်များ

2 Myghternedh 18:17

Myghtern Assyria a dhannvonas an pennkaslewydh ha'n Rabsaris ha'n Rabshake dhiworth Lakish dhe vyghtern Hezekia gans lu bras erbynn Yerusalem. Hag i eth yn-bann ha dos dhe Yerusalem. Wosa dos yn-bann i a dheuth ha sevel ryb dowrbons an poll gwartha, hag usi yn fordh Park an Troghyer.

2 Kroniklys 26:6

Ev eth yn-mes hag a werryas erbynn an Filistysi, hag ev a dorras dhe'n dor fos Gath ha fos Yabne ha fos Ashdod; ev a dhrehevis sitys yn tiredh Ashdod hag yn tylleryow erell yn mysk an Filistysi.

Ysay 14:31

Oul a yet, kri a sita; teudh yn own, Filistia, ty oll. Mog a dheu dhiworth an gogledh, ha nyns eus termynek yn y renkow.

Yeremia 25:20

hag oll an bobel gemmyskys, hag oll myghternedh pow Us, hag oll myghternedh pow an Filistysi, hag Ashkelon, ha Gaza, hag Ekron ha remenant Ashdod;

Amos 1:8

Terri a wrav an annedhyas dhiworth Ashdod, ha'n den a syns an welenn dhiworth Ashkelon, ha my a dreyl ow dorn erbynn Ekron; ha remenant an Filistysi a dhe goll, yn-medh an Arloedh Duw.

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

1 Samuel 5:1

Wosa an Filistysi dhe gemmeres argh Duw, i a's dros dhiworth Ebenezer dhe Ashdod.

1 Samuel 6:17

An re ma yw an hwedhow owrek a dhaskorras an Filistysi avel offrynn kammweyth dhe'n Arloedh: onan rag Ashdod, onan rag Gaza, onan rag Ashkelon, onan rag Gath, onan rag Ekron;