Ysay 2:8 - An Bibel Kernewek 20234 (Kernewek Kemmyn)

⁸ Y wlas yw lenwys a idolys; i a wordh gweyth aga diwla, an pyth re wrug aga bysies.

Ysay 2:8 ပူးပေါင်းရင်းမြစ်များ

1 Myghternedh 16:7

Ger an Arloedh a dheuth ynwedh dre leuv an profoes Yehu mab Hanani erbynn Baasha ha'y ji, ha drefenn oll an drog a wrug yn golok an Arloedh, orth y brovokya dhe sorr gans ober y dhiwleuv, ow pos haval dhe ji Yeroboam, hag ynwedh drefenn ev dh'y dhistrui.

2 Myghternedh 17:10

I a settyas yn-bann ragdha aga honan peulveyn hag Asherim war bub bre ughel hag yn-dann bub gwydhenn las;

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Kroniklys 27:2

Ev a wrug an pyth o ewn yn golok an Arloedh par dell re wrussa y das Uzzia, saw ny entras y'n tempel an Arloedh. Mes an bobel a besyas yn aga drogobereth.

Ysay 17:8

Ny vir orth an alteryow, ober y dhiwla, ha ny vir orth an Asherim ha'n alteryow ynkys a wrug y vysies.

Ysay 26:13

A Arloedh agan Duw, arlydhi erell re'gan rewlyas a-der ty, mes dha hanow unnsel ni a venek.

Ysay 37:19

ha re dewlis aga duwow y'n tan. I a's distruis, rag ny vons duwow, mes gweyth diwla den, prenn ha men.

Ysay 40:19

An imajys yw teudhys gans an krefter, ha'n owrer a ystynn owr mortholys warnodho, hag a wra ragdho kadonyow a arghans.

Ysay 41:29

Otta, toell yns i oll, nyns yw aga oberow travyth; aga imajys teudh yw gwyns ha gwakter.

Ysay 57:5

Hwi a lesk gans lust yn mysk an derow, yn-dann bub gwydhenn las; ow ladha an fleghes y'n nansow, yn-dann savnow an karregi.

Yeremia 1:16

Ha my a lever ow breusow er aga fynn drefenn aga sherewynsi; rag i re'm eskasas, ha re loskas offrynnow dhe dhuwow erell, ha gordhya oberow aga diwla aga honan.

Yeremia 11:13

Rag dha dhuwow re dheuth ha bos kemmys ha'th sitys, A Yuda; ha kemmys ha stretow Yerusalem yw an alteryow re dhrehevsowgh dhe'n imaj methus, alteryow rag leski offrynnow dhe Baal.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Hosea 12:11

Eus droktra yn Gilead? Yn hwir yth yns i koegyon! A sakrifions terewi yn Gilgal? Aga alteryow ynwedh a vydh avel kals meyn war fynnglow an gwel.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 8:6

Rag dhiworth Ysrael yth yw! Ser a'n gwrug, ha nyns yw Duw. Leugh Samaria a vydh skyrr.

Mika 5:12

ha my a vynn defendya pystriow mes a dha dhorn, ha ty ny' fydh koelyogyon namoy;

Oberow 17:16

Hag yn Athenys, ha Powl orth aga gortos, grevys veu y spyrys ynno pan welas an sita leun a idolys.

Dewteronomi 4:28

Ena hwi a serv duwow, ober diwla den, prenn ha men, na welons, ha na glewons, ha na dhebrons, ha na vlasons.

Diskwedhyans 9:20

Ha'n re erell a vab-den na veu ledhys gans an plaow ma, ny gemmeras edrek hwath a wriansow aga diwla, dhe omwitha dhiworth gormel dywolow hag idolys owrek, hag arghansek, hag a vrest hag a brenn na yllons gweles na klewes na kerdhes.