Ysay 2:2 - An Bibel Kernewek 20234 (Kernewek Kemmyn)

² Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 2:2 ပူးပေါင်းရင်းမြစ်များ

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Job 19:25

Rag my a woer ow dasprenyas dhe vos yn few, hag ev dhe sevel wortiwedh war an dor;

Salmow 102:23

Ev a wannhas ow nerth war an hyns; ev a verrhas ow dydhyow.

Salmow 2:8

Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 22:28

Rag yma an myghternsys dhe'n Arloedh; hag ev yw an rewler yn mysk an kenedhlow.

Salmow 48:2

Teg hy ughelder, lowender oll an nor, yw menydh Sion, yn pella rannow an kledh, sita an myghtern meur.

Salmow 68:17

Charettow Duw yw ugens mil, ha milyow a vilyow; yma an Arloedh yn aga mysk, avel yn Sinay, y'n sentri.

Salmow 72:8

Re'n jeffo maystri a vor dhe vor, ha dhiworth an avon bys yn pennow an norvys.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Salmow 87:1

Yma hy sel hi war an menydhyow sans;

Salmow 87:2

an Arloedh a gar porthow Sion moy ages oll annedhow Yakob.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 60:3

Kenedhlow a dheu dhe'th wolow, ha myghternedh dhe splannder dha howldrevel.

Ysay 65:11

Mes hwi neb a forsak an Arloedh, hag ankevi ow menydh sans, ha pareusi moes rag Fortun ha lenwel bollow a win kemmyskys rag Tenkys;

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 23:20

Ny dreyl sorr an Arloedh dhe-ves bys pan wra ev kompoesa ha kowlwul towlow y golonn. Y'n dydhyow diwettha hwi a'n konvedh yn kler.

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Yeremia 30:24

Ny dreyl konnar fers an Arloedh dhe-ves bys pan gollanwo ha kowlwul towlow y golonn. Y'n dydhyow diwettha hwi a gonvedh hemma.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 48:47

Mes my a dreyl kethneth Moab y'n dydhyow diwettha, yn-medh an Arloedh. Bys hemma yma an varn war Moab.

Yeremia 49:39

Mes y'n dydhyow diwettha my a dhre arta kethneth Elam, yn-medh an Arloedh.

Yeremia 51:44

My a gessydh Bel yn Babylon, ha kemmeres a'y anow an pyth re lonkas. Ny wra an kenedhlow frosa dhodho na fella; ynwedh fos Babylon re goedhas.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Daniel 2:28

mes yma yn nev Duw neb a dhiskudh kevrinyow, hag ev re dherivas dhe vyghtern Nebukadnessar pandr'a hwyrvydh y'n dydhyow diwettha. Dha hunros, ha'n gwelesigethow y'th penn war dha weli, o an re ma:

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 2:45

Kepar dell welsys y feu treghys men a'n menydh, heb mayn leuv, hag y torras dhe demmyn an horn, an brons, an priweyth, an arghans ha'n owr: yndellma an Duw meur re dhiskwedhas dhe'n myghtern an pyth a hwyrvydh wosa hemma. Fastys yw an hunros, ha sur yw y styr.’

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Zekaria 14:10

Oll an tir a dheu ha bos avel Araba dhiworth Geba dhe Rimmon, a'n dyghow dhe Yerusalem. Mes hi a vydh drehevys hag annedhys yn hy le, dhiworth Yet Benyamin dhe dyller an kynsa yet, dhe Yet an Gornell, ha dhiworth Tour Hananel dhe winwaskow an myghtern.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Zekaria 8:22

Ha meur a boblow ha kenedhlow krev a dheu dhe hwilas Arloedh an luyow yn Yerusalem ha dhe bysi war an Arloedh.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

Malaki 3:12

Ena oll an kenedhlow a wra agas gelwel gwynnvys, drefenn hwi dhe vos gwlas dhesiradow, yn-medh Arloedh an luyow.

Niverow 24:14

Ha lemmyn, otta, yth av dhe'm pobel; deus, my a'th warn a'n pyth a wra an bobel ma dhe'th pobel jy y'n dydhyow diwettha.’

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

2 Timothi 3:1

Ha godhvydh hemma, y'n diwettha dydhyow y teu termynyow kales,

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.