Ysay 2:19 - An Bibel Kernewek 20234 (Kernewek Kemmyn)

¹⁹ I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 2:19 ပူးပေါင်းရင်းမြစ်များ

2 Samuel 22:46

Estrenyon a gemmer digolonn, i a dheu ow krena yn-mes a'ga heryow.

Job 9:6

Ev a shak an norvys yn-mes a'y le, ha'y golovenyow a gren.

Salmow 7:6

Sav, A Arloedh, y'th sorr; omdhrehav erbynn koler ow eskerens; ha difun, A Dhuw, y'n gwirvreus a worhemmynnsys.

Ysay 13:13

Rakhenna my a wra dhe'n nevow krena, ha'n norvys a vydh shakys dhiworth y le, yn konnar Arloedh an luyow, yn dydh y sorr fers.

Ysay 2:10

Deus y'n garrek, omgel y'n doust dhiworth fas euth an Arloedh ha splannder y veuredh!

Ysay 2:21

dhe vones yn fowys y'n kerrek hag yn folsyow an kleger dhiworth fas euth an Arloedh ha splannder y veuredh, pan sev dhe ownekhe an norvys.

Ysay 24:1

Awotta'n Arloedh ow gwastya an norvys ha'y dhistrui, ha difasya y enep, ha skattra y drigoryon.

Ysay 24:18

Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Ysay 24:19

An norvys yw dralys glan, an norvys yw folsys kwit, an norvys yw shakys yn harow.

Ysay 30:32

Pub strekys a welenn an geredh a wra an Arloedh y worra warnodho a vydh gans son tabouryow ha sowtris, hag ev owth omladh orta yn batel gans strokosow y vregh.

Ysay 33:10

‘Lemmyn my a sev’, yn-medh an Arloedh, ‘lemmyn my a vydh ughelhes, lemmyn my a vydh eksaltys.

Ysay 7:19

hag i oll a dheu ha powes war an nansow klegerek ha war folsyow an karregi, war oll prysk an spern ha war bub dowrva.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Yeremia 4:29

An sita oll a wra fia rag tros an varghogyon ha'n sethoryon; i a wra mos y'n kaswydh, hag yskynna war an kerrek: pub sita a vydh eskesys, ha ny wra triga denvyth ynna

Yeremia 48:28

Gesewgh an sitys, ha trigewgh y'n garrek, hwi annedhysi Moab! Bedhewgh avel an golomm a neyth yn amal ganow kownans.

Ezekiel 33:27

Yndellma y leverydh dhedha, Yndellma y lever an Arloedh: Dell vewav, an re trigys y'n magoryow a goedh der an kledha; ha neb eus y'n gwel a rov dhe'n bestes dhe vos dybrys; ha'n re usi yn skonsow hag yn fowys a verow der an pla.

Hosea 10:8

Tylleryow ughel Aven, pegh Ysrael, a vydh distruys. Spern hag askall a dyv dres aga alteryow. Ena yn-medhons dhe'n menydhyow, ‘Gorherewgh ni’, ha dhe'n brennow, ‘Koedhewgh warnan ni.’

Mika 7:17

i a lap an doust kepar ha sarf, kepar ha pedrevanes an dor: i a dheu ow kwynnel a'ga skovvaow, a dheu a-rag a'n Arloedh gans krena, hag own a's tevydh ahanas.

Nahum 3:11

Ty ynwedh a vydh medhow, ty a omgudh; ty ynwedh a hwila skovva dhiworth an eskar.

Haggay 2:6

Rag yndella yn-medh Arloedh an luyow: torn arall, pols byghan, ha my a wra an nevow ha'n norvys dhe grena, ha'n mor ha'n tir sygh.

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Luk 23:30

Ena i a dhalleth leverel dhe'n menydhyow, “Koedhewgh warnan ni!” ha dhe'n breow, “Kudhewgh ni!”

2 Thessalonianys 1:9

I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,

Ebrowyon 11:38

– anedha nyns o gwiw an bys – ow kwandra yn gwylvosow ha menydhyow, hag yn mogowyow ha savnow an dor.

Ebrowyon 12:26

Ena y lev a wrug dhe'n dor krena; mes lemmyn ev re ambosas, ow leverel, ‘Unnweyth moy ny wrav unnsel an nor dhe dhegrena mes an nev ynwedh.’

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 16:18

Hag yth esa lughesennow ha sonyow ha taranow hag yth esa dorgrys bras a sort na hwarva a-ban veu tus war an nor, mar vras veu an dorgrys.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 9:6

Hag y'n dydhyow na, tus a wra hwilas ankow, ha ny'n kevons, ha merwel a vynnons, ha mernans a vynn fia dhiworta i.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.

1 Samuel 14:11

Ha'n dhew anedha a dhiskwedhas aga honan dhe savla-goelyadoryon an Filistysi; ha'n Filistysi a leveris, ‘Ottomma Ebrowyon ow tos yn-mes a'n tell mayth omgudhsons ynna.’