Ysay 2:12 - An Bibel Kernewek 20234 (Kernewek Kemmyn)

¹² Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 2:12 ပူးပေါင်းရင်းမြစ်များ

2 Samuel 22:28

Ty a selow an bobel uvel; mes yma dha dhewlagas war an re woethus, dh'aga dri dhe'n dor.

Job 24:1

‘Prag nag yw termynyow rag breus gwithys gans an Ollgalloesek, ha prag na wel y dhydhyow an re a'n aswonn?

Salmow 131:1

Arloedh, nyns yw ow holonn goethus, ha nyns yw ow dewlagas ughel; ny omrov dhe daklow meur, na dhe daklow re varthys ragov.

Salmow 18:28

Rag ty a enow ow lugarn; an Arloedh ow Duw a wra dhe'm tewlder splanna.

Salmow 37:13

An Arloedh a hwerth orto, rag ev a wel y dhydh ow tos.

Salmow 94:2

Sav, ty vreusyas an norvys; attal aga gober dhe'n re woethus.

Lavarow Koth 16:5

Pub huni gans kolonn woethus yw tra gasadow dhe'n Arloedh; bydh sur na vydh heb kessydhyans.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 10:33

Otta, an Arloedh, Arloedh an luyow, a skether an skorrennow dre nerth euthyk; an gwydh meur aga ughelder a vydh treghys yn-nans, ha'n re hir a vydh uvelhes.

Ysay 13:11

My a gessydh an norvys rag y dhroktra, ha'n debeles rag aga sherewynsi. My a wra dhe woeth an re orgelus sessya, hag uvelhe balghder turans.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 13:9

Otta, dydh an Arloedh a dheu, fell, gans konnar ha sorr fers, dhe wul an tir ynyal ha distrui peghadoryon dhiworto.

Ysay 14:15

Mes ty yw dres yn-nans dhe ifarn, dhe bella rannow an pytt.

Ysay 23:9

Arloedh an luyow a'n kusulyas, rag uvelhe goeth an splannder oll, ha rag shamya oll an re enorys a'n nor.

Ysay 24:21

Y'n jydh na an Arloedh a gessydh lu an re ughel usi a-ugh, ha myghternedh an tir usi war an dor.

Ysay 24:4

An nor a gyn hag a wedher, an bys a dhesygh hag a wedher; pobel ughel an norvys a wannha.

Ysay 40:23

Ev a dhre pennternedh dhe vos mann; ha gul breusysi an bys gwakter.

Ysay 42:15

My a wra menydhyow ha breow difeyth, ha sygha aga erbys oll; my a dreyl an avonyow dhe ynysow, ha sygha an pollow.

Ysay 5:15

Den yw plegys dhe'n dor, ha gour yw gwrys isel, ha dewlagas an re woethus a vydh isel.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Yeremia 12:9

Ow ertach yw dhymm avel edhen-breydh vrith, yma an ydhyn-preydh erell a-dro er hy fynn; dewgh, kuntellewgh oll bestes an mes, dens i dhe dhevorya.

Yeremia 13:9

Yndellma y lever an Arloedh: War-lergh an vaner ma my a dhiswra goeth Yuda, ha goeth meur Yerusalem.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Yeremia 50:31

Otta, yth esov er dha bynn, A dhen balgh, yn-medh an Arloedh, Duw an luyow; rag dha dhydh yw devedhys, an termyn ma'th kessydhyav.

Ezekiel 13:5

Ny yskynnsowgh bys y'n aswaow, na ny dhrehevsowgh fos rag chi Ysrael, may saffo y'n gas yn dydh an Arloedh.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Amos 5:18

Go-i an re yw hwansek dhe dhydh an Arloedh! Pandr'a vydh dydh an Arloedh dhy'hwi? Tewlder vydh, ny vydh golow;

Mika 2:3

Rakhenna, yndellma y lever an Arloedh: Otta, erbynn an teylu ma yth esov vy ow tevisya drogedh, ma na yllowgh hwi kildenna agas konna anodho; ha ny gerdhowgh howtyn, rag y fydh termyn a dhroktra.

Mika 5:11

ha my a dregh dhe-ves an sitys a'th tir ha domhwel oll dha gastylli;

Sefania 1:16

dydh hirgorn ha garm kas erbynn an sitys kerys hag erbynn an touryow ughel.

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Malaki 4:5

Awotta my a dhannvon dhywgh Elias an profoes kyns dos dydh an Arloedh, meur hag euthyk.

Matthew 23:12

Neb a omughelha a vydh dres isel, ha neb a omuvelha a vydh ughelhes.

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

1 Korinthianys 5:5

res yw dhywgh daskorr an gour ma dhe Satnas rag terroes an kig may fo selwys y spyrys yn dydh an Arloedh.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

Jamys 4:6

Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’