Ysay 19:3 - An Bibel Kernewek 20234 (Kernewek Kemmyn)

³ Spyrys Ejyp a fyll a-ji dhodho; my a dhiswra y gusul; i a hwila an idolys ha spyrysyon an re varow, an nygromonsoryon ha'n goelyogyon.

Ysay 19:3 ပူးပေါင်းရင်းမြစ်များ

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

2 Myghternedh 1:2

Lemmyn Ahazia re goedhsa der an lattis yn y jambour y'n soler yn Samaria, hag o klav. Ytho ev a dhannvonas kannasow, ow leverel dhedha, ‘Kewgh ha govynnewgh orth Baal-zebub, duw Ekron, mar kwrav gwellhe dhiworth an kleves ma.’

1 Kroniklys 10:13

Sowl a verwis drefenn y vos dislen dhe'n ARLOEDH. Ny withas ger an Arloedh hag ynwedh ev a hwilas kusul dhiworth nygromons,

Salmow 107:27

i a droyllyas ha trebuchya kepar ha den medhow, hag oll aga skians a fyllis.

Salmow 33:10

An Arloedh a dhiswra kusul an kenedhlow; ev a dhiswra towlow an poblow.

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 14:27

Ytho Arloedh an luyow re erviris, ha piw a'n lest? Y leuv yw ystynnys, ha piw a's treyl dhe-ves?

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Ysay 47:12

Sav fast y'th husow ha'th hworhanow pals, gansa may lavursys a-dhia'th yowynkneth; martesen ty a yll gwaynya prow, martesen ty a yll ownekhe dredha.

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Yeremia 46:15

Prag yth yw Apis prosternys? Prag na wrug dha darow sevel fast? – drefenn an Arloedh dh'y herdhya dhe-ves.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Ezekiel 22:14

A yll sev dha golonn sevel, po a vydh dha dhiwla krev rag an dydhyow may hwrav vy dha dhyghtya? My an Arloedh re gewsis, ha my a'n gwrav.

Daniel 1:20

Yn pub mater a furneth po a gonvedhes hag a veu govynnys dhiworta gans an myghtern, ev a's kavas deg gweyth gwell ages oll an hudoryon ha'n worhenysi esa yn y ruvaneth oll.

Daniel 2:2

Ena an myghtern a erghis may fe gelwys an hudoryon, an worhenysi, an bystrioryon, ha'n Kaldeanys, rag displegya dhe'n myghtern y hunrosow. Ytho y teuthons a-ji ha sevel a-dherag an myghtern.

Daniel 5:7

An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’

1 Samuel 25:37

Mes ternos myttin, pan o an gwin gyllys mes a Nabal, y wreg a dherivas an traow ma orto, ha'y golonn a verwis a-ji dhodho; ev a dheuth ha bos avel men.