Ysay 19:25 - An Bibel Kernewek 20234 (Kernewek Kemmyn)

²⁵ Arloedh an luyow a's bennik, ow leverel, ‘Benniges re bo ow fobel Ejyp, hag ober ow diwla Assyria, hag Ysrael ow eretons.’

Ysay 19:25 ပူးပေါင်းရင်းမြစ်များ

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 115:15

An re bennigys gans an Arloedh owgh hwi, formyer nev ha nor.

Salmow 138:8

An Arloedh a gowlwra y vynnas ragov; dha dregeredh, A Arloedh, a dhur bys vykken; na dhispres oberow dha dhiwleuv.

Ysay 19:24

Y'n jydh na Ysrael a vydh an tressa war-barth gans Ejyp hag Assyria, bennath yn kres an norvys.

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 29:23

rag pan wel y fleghes, ober ow diwla, a-ji dhodho, i a sansha ow hanow, ha sanshe Sans Yakob, ha perthi own a Dhuw Ysrael.

Ysay 45:11

Yndellma y lever an Arloedh, an Sans a Ysrael ha'y formyer: A wovynnowgh orthiv a-dro dhe'm fleghes, po ow erghi a-dro dhe ober ow diwla?

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:9

Aga has a vydh aswonnys y'n kenedhlow, ha'ga askorr yn mysk an poblow. Peub a's gwel a aswonn i dhe vos has a wrug an Arloedh aga benniga.

Ysay 63:17

Prag re'gan gwrussys dhe wandra dhiworth dha fordhow, A Arloedh, ha kaleshe agan kolonn ma na borthen own ahanas? Dehwel a-barth dha servysi, loethow dha eretons.

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Ysay 65:23

Ny lavuryons yn euver, na dhineythi fleghes dhe euth; rag i a vydh has bennigys gans an Arloedh, ha'ga henedh gansa.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Hosea 2:23

My a wra hy flansa ragov y'n tir. My a gemmer truedh a Lo-ruhama, ha leverel dhe Lo-ammi ‘Ty yw Ow fobel’; hag ev a lever, ‘Ty yw ow Duw.’

Zekaria 8:13

Ha kepar dell vewgh molleth yn mysk an kenedhlow, A ji Yuda ha ji Ysrael, yn kettella my a wra agas sawya, ha hwi a vydh bennath. Na berthewgh dout, mes krevhewgh agas diwleuv.

Niverow 24:1

Pan welas Balaam bos plegadow dhe'n Arloedh benniga Ysrael, nyns eth, avel yn prysyow erell, dhe gavoes dewinieth, mes settya y fas war-tu ha'n gwylvos.

Niverow 6:24

An Arloedh re'th vennikko ha'th witha:

Niverow 6:27

Yndellma i a wra gorra ow hanow war vebyon Ysrael ha my a wra aga benniga.

Romanyon 3:29

Po unnsel dhe'n Yedhewon yw ev Duw? A nyns yw ev Duw an kenedhlow ynwedh? Yw, a'n kenedhlow ynwedh,

Galatianys 6:15

Rag ny amont mann naneyl trodreghyans nag antrodreghyans, saw unnsel kreasyon nowydh.

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Dewteronomi 32:9

Rag rann an Arloedh yw y bobel; Yakob yw kevrenn y eretons.

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

1 Peder 2:10

Ny vewgh hwi pobel seulabrys, mes lemmyn pobel Duw owgh hwi. Ny dhegemmersowgh piteth, mes lemmyn piteth re dhegemmersowgh.