Ysay 19:23 - An Bibel Kernewek 20234 (Kernewek Kemmyn)

²³ Y'n jydh na y fydh fordh-veur dhiworth Ejyp bys yn Assyria, hag Assyria a vydh kevrennys gans Ejyp, hag Ejyp gans Assyria. Ejyp hag Assyria a wordh war-barth.

Ysay 19:23 ပူးပေါင်းရင်းမြစ်များ

Salmow 87:4

My a venek Rahab ha Babylon orth an re a'm aswonn; a-dro dhe Filistia ha Tyr hag Ethiopia y leverir, ‘Hemma a veu genys ena.’

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 11:16

y fydh fordh-veur dhiworth Assyria rag remenant y bobel yw gesys, kepar dell veu rag Ysrael y'n jydh mayth yskynnas yn-mes a bow Ejyp.

Ysay 19:24

Y'n jydh na Ysrael a vydh an tressa war-barth gans Ejyp hag Assyria, bennath yn kres an norvys.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 27:13

Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 49:11

Ha my a dreyl oll ow menydhyow dhe vos fordh, ha'n fordhow-meur a vydh sevys yn-bann.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 62:10

Tremenewgh, tremenewgh der an yetys, pareusewgh fordh rag an bobel; drehevewgh, drehevewgh an fordh-veur, klerhewgh dhe-ves an meyn, drehevewgh baner rag an poblow.

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Mika 7:12

An jydh na y tons i dhis, a Assyria ha sitys Ejyp, hag a Ejyp dhe'n Avon, a vor dhe vor hag a venydh dhe venydh.