Ysay 18:4 - An Bibel Kernewek 20234 (Kernewek Kemmyn)

⁴ Yndellma y lever an Arloedh dhymm: My a vydh kosel ha mires dhiworth ow thrigva avel toemmder kler y'n howlsplann, avel kommolenn gluth yn toemmder an drevas.

Ysay 18:4 ပူးပေါင်းရင်းမြစ်များ

2 Samuel 23:4

ev a vydh avel golow an bora, pan sev an howl, yn myttin heb kommol, avel golewder wosa glaw a dhre gwels dhiworth an dor.

2 Kroniklys 6:21

Klew aspysadow dha was ha'th pobel Ysrael, pan bysons war-tu ha'n tyller ma. Klew dhiworth nev, tyller dha drigva; klew ha gav.

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 18:7

Y'n termyn na rohow a vydh dres dhe Arloedh an luyow dhiworth pobel hir ha leven, dhiworth pobel ownys ogas ha pell, kenedhel grev a drett yn-dann dreys, mayth yw y wlas rynnys gans avonyow; i a's dre dhe dyller hanow Arloedh an luyow, dhe venydh Sion.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.