Ysay 17:5 - An Bibel Kernewek 20234 (Kernewek Kemmyn)

⁵ Ev a vydh avel myser a guntell ys, ha'y vregh a vys pennow-ys. Ev a vydh avel den a guntell gesigow pennow-ys yn nans Refaim.

Ysay 17:5 ပူးပေါင်းရင်းမြစ်များ

2 Samuel 5:18

Lemmyn an Filistysi a dheuth hag omlesa y'n nans Refaim.

2 Samuel 5:22

An Filistysi a dheuth yn-bann unnweyth arta, hag omlesa y'n nans Refaim.

Lavarow Koth 27:25

Pan yw gyllys an foen, ha'n aswels a dheu, ha'n losow war an menydhyow re beu kuntellys,

Ysay 17:11

kyn hwredh dhedha tevi y'n jydh ma's plensydh, ha gul dhedha bleujyowa y'n myttin ma's graffydh, hwath an drevas a fi dhe-ves yn dydh a galar ha payn heb remedi.

Yeremia 51:33

Rag yndellma y lever Arloedh an luyow, Duw Ysrael: Myrgh Babylon yw avel leur-drushya y'n termyn mayth yw trettys; hwath unn pols byghan ha termyn hy threvas a dheu.

Yeremia 9:22

Kows, Yndellma y lever an Arloedh: ‘Hwath korfow tus a wra koedha avel teyl war an mes, avel an dhramm war-lergh an myser, ha nagonan ny's kuntell.’

Hosea 6:11

Ragos jy ynwedh, A Yuda, yma trevas settys, pan dreylyav kethneth ow fobel.

Yoel 3:13

Kemmerewgh yn-bann an gromman, rag an drevas yw adhves. Dewgh, trettyewgh, rag leun yw an winwask. An kerynyow a fenn, rag bras yw aga droktra.

Matthew 13:30

Gesewgh an dhew dhe devi war-barth bys y'n drevas hag yn prys an drevas my a lever dhe'n vysoryon, Kyns oll kuntellewgh war-barth an ivra ha'y gelmi yn manalow rag y leski, mes kuntellewgh an ys y'm skiber.” ’

Yoshua 15:8

Ena an or eth yn-bann dre nans Mab-hinnom, dre leder dhyghow an Yebusysi (honn yw Yerusalem). Alena yth eth yn-bann dhe wartha an menydh a'n howlsedhes dhe nans Hinnom orth diwedh nans Refaim a'n barth kledh.

Yoshua 18:16

An or eth yn-nans dhe amal an vre a'n est dhe nans Mab-hinnom, a'n kledh dhe nans Refaim; hi eth yn-nans yn nans Hinnom, dhe leder dyghow an Yebusysi, hag ena dhe En-rogel.