Ysay 17:13 - An Bibel Kernewek 20234 (Kernewek Kemmyn)

¹³ Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 17:13 ပူးပေါင်းရင်းမြစ်များ

Job 21:18

Peskweyth yth yns kepar ha kala' a-rag an gwyns, ha kepar ha kulyn degys dhe-ves gans an tewedh?

Job 38:11

pan leveris vy, “Ty a yll dos bys omma mes na fella, ha dha vordonnow goethus a vydh lettys omma”?

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Salmow 35:5

Bedhens i avel kulyn a-dherag an gwyns, hag el an Arloedh orth aga herdhya.

Salmow 65:7

Ev a spavennha tros an mor, tros an mordonnow ha freudh an poblow.

Salmow 65:8

Ynwedh an re a drig yn pella sornow an nor a berth own a'th toknys; ty a wra dhe borthow an bora ha'n gorthugher kana gormola.

Salmow 9:5

Ty re geredhis an kenedhlow, ty re dhistruis an tebelwas; ty re dhefendyas aga hanow dhe-ves bys vykken ha bynnari.

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 21:15

Rag i re fias dhiworth an kledhedhyow, dhiworth an kledha noeth, ha dhiworth an warak plegys, dhiworth garowder an vatel.

Ysay 22:18

Ev a wra dha vaylya yn stroeth avel pellenn ha dha dewlel yn tir efan. Ena ty a verow, hag ena y fydh dha jarettow splann, ty veth dhe ji dha vester!

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 30:28

Y hwyth yw avel avon ow fenna ow trehedhes bys an konna, dhe groedra an kenedhlow gans kroeder a dhistruyans, ha gorra fronn war dhiwen an bobel a wra dhedha mos yn stray.

Ysay 34:17

Ev a dewl prenn ragdha, ha'y leuv a's rann gans kordenn-vusura. I a's erit bys vykken, ha triga ynni a henedh dhe henedh.

Ysay 40:15

Otta, an kenedhlow yw avel banna dhiworth kelorn, hag avel polter war an vantol synsys yns. Otta, ev a gemmer an ynysow yn-bann avel ponn.

Ysay 40:24

Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Ysay 41:11

Otta, oll an re a serr orthis a's tevydh meth hag a vydh konfondys; an re a striv orthis a vydh avel mann, ha mos dhe goll.

Ysay 8:7

rakhenna awotta'n Arloedh a dhre warnedha dowrow bras ha meur an avon, myghtern Assyria gans oll y wolewder. Ha hi a dheu yn-bann dres oll hy hanolyow, ha mos war oll hy glannow;

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Hosea 13:3

Rakhenna i a vydh avel kommolenn-vyttin, hag avel an gluth a dremen a-varr, hag avel us yw hwythys a leur-drushya gans an awel, hag avel mog a fenester.

Sefania 2:2

kyns an arghadow dhe vos dineythys, kyns an jydh dhe dremena avel kulyn, kyns sorr fers an Arloedh dhe dhos warnowgh, kyns dydh sorr an Arloedh dhe dhos warnowgh.