Ysay 17:10 - An Bibel Kernewek 20234 (Kernewek Kemmyn)

¹⁰ Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 17:10 ပူးပေါင်းရင်းမြစ်များ

1 Kroniklys 16:35

Leverewgh: ‘Salw ni, A Dhuw agan selwyans, ha kuntell ni war-barth ha delirv ni yn-mes a'n kenedhlow, may hwodhven gras dhe'th hanow sans, ha bostya y'th wormola.

Salmow 106:13

Hware yth ankovsons y wriansow; ny wortsons y gusul.

Salmow 106:21

I a ankovas Duw aga Selwyas, neb re wrug gwriansow meur yn Ejyp,

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 31:2

Pleg dha skovarn dhymm; gwra ow delivra yn uskis; bydh dhymm karrek grev, ha kastell dhe'm selwel.

Salmow 65:5

Ty a worthyp dhyn gans taklow euthyk yn ewnder, A Dhuw agan selwyans; ty, neb yw fydhyans oll pennow an nor, ha'n re usi pell war an mor.

Salmow 79:9

Gweres dhyn ni, A Dhuw agan selwyans, a-barth golewder dha hanow; gwra agan delivra, ha kudh agan peghosow, a-barth dha hanow.

Salmow 85:4

Treyl ni, A Dhuw agan selwyans, ha gas dha sorr orthyn.

Salmow 9:17

An debeles a dhehwel dhe ifarn, oll an kenedhlow hag a ankovas Duw.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 17:9

Y'n jydh na aga sitys krev, a vydh forsakys avel sitys an Hivysi ha'n Amorysi a assons drefenn mebyon Ysrael; hag i a vydh difeyth.

Ysay 18:5

Ytho, kyns an drevas, pan yw an vleujenn gyllys ha'n flour re dheuth ha bos grappa owth adhvesi, ev a dregh an barrennow gans higow-skethra, ha remova ha tenna yn-mes an skorrennow.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 26:4

Trestyewgh y'n Arloedh bynnari rag an ARLOEDH DUW yw karrek bys vykken.

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 33:2

A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 17:13

A Arloedh, govenek Ysrael, peub a'th forsak a vydh methek, ha'n re a dreyl a-dhiworthiv a vydh skrifys y'n dor, drefenn i dhe forsakya fenten an dowrow bew, an Arloedh.

Yeremia 2:32

A yll maghteth ankevi hy thegennow, po benyn bries hy gwisk? Mes ow fobel re'm ankovas, dydhyow heb niver.

Yeremia 3:21

Lev a veu klewys war an ugheldiryow moel, oelva ha pysadow mebyon Ysrael, rag i re gammdreylyas aga fordh, hag i re ankovas an Arloedh aga Duw:

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 8:14

Ysrael re ankovas y Wrier, ha re dhrehevis palesyow; ha Yuda re wrug lies sita gerys. Mes my a dhannvon tan yn y sitys a dhevor y gastylli.

Yoel 1:17

Gwedhrys yw an hasennow yn-dann aga figellow, forsakys yw an skiberyow, terrys yn-nans yw an greunjiow, rag gwedhrys yw an ys.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Levitikus 26:20

Agas nerth a vydh spenys yn euver rag ny re agas tir y drevas, na ny re gwydh an tir aga frut.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Habakkuk 3:18

hwath my a lowenha y'n Arloedh, ha my a vydh heudhik yn Duw ow selwyans.

Sefania 1:13

Aga rychys a dheu ha bos preydh, ha'ga chiow forsakys: i a dhrehav chiow heb triga ynna, hag i a blans gwinlannow heb eva aga gwin.

Dewteronomi 28:30

Ty a vydh ambosys dhe venyn, ha gour arall a's defol; ty a dhrehav chi, mes ny drigydh ynno; ty a blans gwinlann, mes ny wredh devnydh anedhi.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.

Dewteronomi 32:18

Ty a dhispresyas an Garrek a'th tineythis, hag ankevi Duw neb a'th tros dhe enesigeth.

Dewteronomi 32:31

Rag nyns yw aga harrek i haval dh'agan Karrek ni, dell yll agan eskerens aga honan breusi.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 6:12

kemmer with na ankeffi an Arloedh neb a'th tros yn-mes a bow Ejyp, dhiworth an chi a gethneth.

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Dewteronomi 8:19

Ha mar ankevydh byth an Arloedh dha Dhuw ha kerdhes war-lergh duwow erell ha'ga servya ha plegya dhe'n dor a-ragdha, my a dhest dhywgh hedhyw, yth ewgh dhe goll devri.