Ysay 16:9 - An Bibel Kernewek 20234 (Kernewek Kemmyn)

⁹ Rakhenna my a oel gans oelva Yazer rag gwinbrenn Sibma. My a'th towrha gans ow dagrow, A Heshbon hag Eleale; rag an arm war dha frutys hav ha'th trevas re hedhis.

Ysay 16:9 ပူးပေါင်းရင်းမြစ်များ

Ysay 9:3

Ty re gressyas an genedhel, ty re veurhas an lowena; i a lowenha a-ragos kepar hag yn lowender an goeldheys, kepar dell yw tus fest heudhik pan rannons preydh.

Yeremia 40:10

Ha my, otta, my a drig yn Mispa dhe servya an Kaldeanys a dheu dhyn; mes hwi, kuntellewgh gwin, ha frutys hav, hag oyl, ha'ga gorra yn agas lestri, ha trigewgh yn agas sitys re gemmersowgh.’

Yeremia 40:12

ena oll an Yedhewon a dhehwelis dhiworth oll an tylleryow le may fons skattrys, ha dos dhe bow Yuda, dhe Gedalia, dhe Mispa; hag i a guntellas gwin ha frutys hav yn palster.

Ezekiel 27:31

I a omvoelha ragos hag omwrogysa gans yskar. I a oel warnas yn hwerowder enev, gans kynvann hwerow.

Ezekiel 32:18

Mab den, kyn war routh Ejyp, ha towl hi yn-nans, hi ha'n myrghes a genedhlow galloesek, bys yn rannow isella an norvys, gans an re a dhiyskynn dhe'n pytt.

Breusysi 9:27

Wosa i dhe vos yn-mes dhe'n mes, ha kuntell grappys a'ga gwinlannow ha'ga trettya, i a synsis dy'goel. Ena i a entras yn chi aga duw hag eva, ha milliga Abimelek.