Ysay 16:5 - An Bibel Kernewek 20234 (Kernewek Kemmyn)

⁵ Ena tron a vydh fastys yn tregeredh, ha warnedhi yth esedh yn gwirder yn tylda Davydh, nebonan a vreus hag a hwila gwirvreus, hag a fisten dhe wul ewnder.

Ysay 16:5 ပူးပေါင်းရင်းမြစ်များ

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

1 Myghternedh 10:9

Benniges re bo an Arloedh dha Dhuw a lowenhas ynnos ha'th worra war dron Ysrael! Drefenn an Arloedh dhe'th kara bys vykken, ev a'th wrug myghtern dhe wul gwirvreus hag ewnhynseth.’

2 Kroniklys 31:20

Hezekia a wrug hemma der oll Yuda; ev a wrug an pyth o da hag ewn ha lel a-rag an Arloedh y Dhuw.

Salmow 85:10

Tregeredh ha gwirder re omguntellas; ewnder ha kres re ammas an eyl dh'y gila.

Salmow 89:14

Ewnder ha gwirvreus yw sel dha se; tregeredh ha gwirder a a-dherag dha fas.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Lavarow Koth 20:28

Tregeredh ha gwirder a with an myghtern, ha'y dron yw mentenys gans tregeredh.

Lavarow Koth 29:14

Mar kwra myghtern breusi an voghosogyon gans gwirder, y dron a vydh fastys bys vykken.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 55:4

Otta, my a'n gwrug dustunier dhe'n poblow, rewler ha mester dhe boblow.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Amos 9:11

Y'n jydh na my a dhrehav skovva Davydh yw koedhys ha keas hy aswaow, ha daswul hy magoryow, ha'y drehevel kepar hag y'n dydhyow koth;

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.