Ysay 16:4 - An Bibel Kernewek 20234 (Kernewek Kemmyn)

⁴ Trigens genes an re skattrys dhiworth Moab; bydh skovva dhedha rag an distruer.’ Ny vydh an arwasker na fella, hedhi a wra an terroes, ha'n ravner a vydh gyllys dhiworth an tir.

Ysay 16:4 ပူးပေါင်းရင်းမြစ်များ

Ysay 14:4

ty a gemmer an kows ma yn-bann erbynn myghtern Babylon, ha leverel: Fatell hedhis an turant! Fatell hedhis an omsettyans!

Ysay 15:6

Dowrow Nimrim yw ynyal, an gwels yw sygh, an aswels a fyll; nyns eus glasneth na fella.

Ysay 25:10

Rag leuv an Arloedh a bowes war an menydh ma. Moab a vydh trettys yn-dann dreys yn dyller dell yw kala trettys yn teylek.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Yeremia 21:12

A ji Davydh; yndellma y lever an Arloedh: Gwra gwirvreus pub myttin, ha livra a-dhiworth dorn an arwasker an den a veu robbys, ma na ello ow honnar yn-mes avel tan, ha leski, ha ny vydh denvyth dh'y difeudhi, rag drogedh agas gwriansow.

Yeremia 40:11

Keffrys pan glewas an Yedhewon esa yn Moab hag yn mysk an Ammonysi hag yn Edom hag yn oll an powyow, myghtern Babylon dhe asa remenant yn Yuda ha settya warnedha Gedalia mab Ahikam mab Shafan,

Yeremia 48:18

Diyskynn a'n golewder, hag esedh war an dor kras, ty annedhyades, myrgh Dibon! Rag distruer Moab re dheuth yn-bann er dha bynn; ev re dhistruis dha dinasow.

Yeremia 48:8

An distruer a dheu dhe bub sita, ha ny dhiank sita vyth; an nans a dhe goll, ha'n ughelgompesenn a vydh distruys, par dell gewsis an Arloedh.

Obadia 1:14

Ny dalvia, ty dhe sevel orth an growsfordh may hylli treghi yn-nans y fowesigyon, na dhaskorr an re a fi alena yn dydh anken.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Zekaria 9:8

My a wra kampya ryb ow chi avel gwithyas, ma na dremenno denvyth na dehweles. Ny dremen mester kethneth arta dresta, rag lemmyn my re welas gans ow dewlagas.

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

Dewteronomi 24:14

Na arwask arvethesik neb yw boghosek hag edhommek, onan a'th vreder po a'th alyons eus y'th tir a-ji dhe'th yetys.

Diskwedhyans 11:2

Mes gwra goheles an klos usi a-ves dhe'n tempel, ha na wra y vusura rag y vos res dhe'n Jentilys; hag i a wra trettya an sita sans dew vis ha dew-ugens.