Ysay 16:12 - An Bibel Kernewek 20234 (Kernewek Kemmyn)

¹² Pan omdhiskwedh Moab, hag omskwitha war an tyller ughel, pan dheu dh'y sentri dhe bysi, ny amont mann.

Ysay 16:12 ပူးပေါင်းရင်းမြစ်များ

1 Myghternedh 11:7

Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

1 Myghternedh 18:29

Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

2 Myghternedh 19:12

A wrug duwow an kenedhlow aga delivra, an kenedhlow a wrug ow thasow aga distrui, Gozan, Haran, Resef, ha mebyon Eden esa yn Telassar?

2 Myghternedh 3:27

Ytho ev a gemmeras y vab kynsa-genys a vedha ow reynya a'y wosa, ha'y offrynna avel offrynn leskys war an fos. Y teuth sorr bras war Ysrael: i a gildennas ha dehweles dh'aga thir aga honan.

Lavarow Koth 1:28

Ena i a elow warnav, mes ny wrav vy gorthybi, i a wra ow hwilas dihwans, mes ny'm kevons.

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Ysay 16:13

Hemm yw an ger re gewsis an Arloedh kyns a-dro dhe Moab.

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Ysay 47:13

Skwith yth os gans dha gusulyansow pals; seves ha'th sawya an re a hwither an nevow, neb a vir orth an ster; an re a dhargan yn termyn an loer nowydh an pyth a dheu warnas.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 48:35

Ha my a dhre diwedh yn Moab, yn-medh an Arloedh, dhodho ev neb a offrynn sakrifis yn tyller ughel ha leski offrynnow dh'aga duwow.

Yeremia 48:46

Go-jy, Moab! Pobel Kemosh res eth dhe goll, rag agas mebyon yw kemmerys yn keth, ha'th vyrghes yn kethneth.

Yeremia 48:7

Rag drefenn ty dhe fydhya yn dha dhinasow hag y'th tresoryow, ty ynwedh a vydh kemmerys; Kemosh a yn divroedh, war-barth gans y oferysi ha'y bennsevigyon.

Niverow 21:28

Rag tan eth yn-rag a-dhiworth Heshbon, flamm dhiworth sita Sihon. Ev a gowlloskas Ar Moab, arlydhi breow Arnon.

Niverow 22:39

Ena Balaam eth gans Balak, hag i a dheuth dhe Kiryath-husoth.

Niverow 22:41

Ha'n vorow Balak a gemmeras Balaam ha'y dhri yn-bann dhe Bamoth-baal; hag alena ev a welas an rann ogassa a'n bobel.

Niverow 23:14

Hag ev a'n kemmeras dhe wel Sofim, dhe benn Pisga, ha drehevel seyth alter, hag offrynna lodhen ha hordh war bub alter.

Niverow 23:28

Ytho Balak a gemmeras Balaam dhe wartha Peor, hag a vir war-woeles war an gwylvos.

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.