Ysay 16:11 - An Bibel Kernewek 20234 (Kernewek Kemmyn)

¹¹ Rakhenna ow holodhyon a hanas avel sowtri rag Moab, ha'm kolonn rag Kir-heres.

Ysay 16:11 ပူးပေါင်းရင်းမြစ်များ

Ysay 15:5

Ow holonn a gri rag Moab; hy fowesigyon a fi bys Soar, bys Eglath-shelishiya. Yth ons yn-bann owth oela war an fordh-yskynna dhe Luhith; war an fordh dhe Horonaym i a dhrehav garm a gollva.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Yeremia 31:20

Yw Efraym ow mab ker? Yw ev flogh may ma delit dhymm ynno? Rag a-ban gewsis er y bynn my a berth kov anodho hwath. Ytho ow holodhyon a veu movys ragdho; yn sur y kemmerav truedh anodho, yn-medh an Arloedh.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 48:31

Ytho my a oul rag Moab; my a gri rag Moab oll; rag gwer Kir-heres my a gyn.

Yeremia 48:36

Ytho ow holonn a gyn rag Moab avel pibow, hag ow holonn a sen avel pibow rag gwer Kir-heres; rag an rychys re gavsons yw gyllys.

Kynvannow 1:20

Mir, A Arloedh, ha grevys ov vy; ow holodhyon yw troblys, ow holonn yw treylys ynnov, rag diwostydh dres eghenn re beuv. A-ves, an kledha a ladh an fleghes, a-ji nyns eus saw mernans.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Filippianys 2:1

Ytho, mars eus konfort yn Krist, mars eus solas kerensa, mars eus kowethyans a'n Spyrys, mars eus pitedh ha truedh,