Ysay 15:5 - An Bibel Kernewek 20234 (Kernewek Kemmyn)

⁵ Ow holonn a gri rag Moab; hy fowesigyon a fi bys Soar, bys Eglath-shelishiya. Yth ons yn-bann owth oela war an fordh-yskynna dhe Luhith; war an fordh dhe Horonaym i a dhrehav garm a gollva.

Ysay 15:5 ပူးပေါင်းရင်းမြစ်များ

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 14:2

y hwrug an re ma gwerrya erbynn Bera myghtern Sodom hag erbynn Birsha myghtern Gomorra, Shinab myghtern Adma ha Shemeber myghtern Seboyim, ha myghtern Bela (henn yw Soar).

Jenesis 19:22

Gwra fistena, fi ena, rag ny allav gul travyth erna dhyffi ena.’ Rag henna an sita a veu gelwys Soar.

2 Samuel 15:23

Hag oll an vro a oelas gans lev ughel, hag oll an bobel a dremenas yn-rag; an myghtern ynwedh a dremenas dres nans Kidron, hag oll an bobel a dremenas yn-rag, troha fordh an gwylvos.

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

Ysay 16:14

Mes lemmyn an Arloedh a lever, Yn teyr blydhen kepar ha blydhynyow arvethesik, splannder Moab a vydh dispresys, spit dhe oll an routh vras, ha'n remenant a vydh pur vyghan ha gwann.

Ysay 22:5

Ytho an Arloedh, Duw an luyow, a'n jeves dydh a dervans ha trettya ha deray yn nans an welesigeth, dydh a derri fosow ha kriow dhe'n menydh.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 17:16

Mes my, ny fistenis a vones bugel dhe'th siwya, na ny hwensis dydh an anfeusi; ty a woer: an pyth a dheuth a'm diwweus a veu a-rag dha wolok.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Yeremia 48:3

Lev kri a-dhiworth Horonaym: ‘Ynyalder, ha distruyans meur!’

Yeremia 48:5

Rag y'n fordh-yskynna dhe Luhith i a yn-bann owth oela yn hwerow; rag y'n fordh yn-nans dhe Horonaym an eskar re glewas kri a angoes rag an distruyans.

Yeremia 50:46

An nor a gren orth an galow ‘Kemmerys yw Babylon!’ ha'n kri a vydh klewys yn mysk an kenedhlow.

Yeremia 9:10

Rag an menydhyow my a dhalleth oela ha kyni, ha rag peurvaow an gwylvos y hwrav kynvann, rag leskys yns, ma na yll nagonan tremena; na ny yll tus klewes son an gwarthek; hag ydhyn an nev ha'n bestes re fias; gyllys yns.

Niverow 21:29

Go-jy, A Moab! Ty yw diswrys, a bobel Kemosh! Ev re wrug y vebyon yn fowesigyon, ha'y vyrghes yn kethesow, dhe vyghtern an Amorysi, Sihon.