Ysay 15:4 - An Bibel Kernewek 20234 (Kernewek Kemmyn)

⁴ Heshbon hag Eleale a gri, aga lev yw klewys bys Yahas. Rakhenna soudoryon Moab a arm, ha'ga enev a gren.

Ysay 15:4 ပူးပေါင်းရင်းမြစ်များ

Jenesis 27:46

Ena yn-medh Rebeka dhe Ysak, ‘Kasadow dhymm yw ow bewnans drefenn myrghes Heth. Mar mynn Yakob kemmeres gwreg a vyrghes Heth, kepar ha myrghes an pow ma, prag y fynnav bewa?’

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

Yeremia 20:18

Prag y teuth vy yn-mes a'n dorr dhe weles lavur hag ahwer, ha spena ow dydhyow yn meth?

Yeremia 48:21

Barn re dheuth war an ughelgompesenn, war Holon, ha Yahasa ha Mefaath,

Yeremia 48:34

Son aga kri a dheu dhiworth Heshbon bys Eleale, bys Yahas, dhiworth Soar bys Horonaym hag Eglath-shelishia. Rag hwath dowrow Nimrim yw devedhys ha bos difeyth.

Yeremia 8:3

Mernans a vydh dewisys kyns es bewnans gans oll an re gesys a'n tebel deylu ma, neb a worta yn oll an tylleryow le ma's herdhis, yn-medh Arloedh an luyow.

Yona 4:3

Ytho lemmyn, A Arloedh, kemmer ow bewnans dhiworthiv, my a'th pys, rag gwell dhymm yw mernans es bewnans.’

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Niverow 11:15

Mar mynnydh dyghtya genev yndellma, ladh vy distowgh, mar kevis gras y'th wolok, ma na welliv ow anfeus.’

Niverow 21:23

Mes ny asas Sihon Ysrael dhe dremena y diredh. Ev a guntellas war-barth oll y bobel, hag eth yn-mes erbynn Ysrael dhe'n gwylvos, hag a dheuth dhe Yahas, hag a vatalyas orth Ysrael.

Niverow 21:28

Rag tan eth yn-rag a-dhiworth Heshbon, flamm dhiworth sita Sihon. Ev a gowlloskas Ar Moab, arlydhi breow Arnon.

Dewteronomi 2:32

Pan dheuth Sihon dhe-ves dh'agan metya yn batel, ev hag oll y bobel, dhe Yahas,

Yoshua 13:18

Yahas, Kedemoth, ha Mefaath,

Diskwedhyans 9:6

Hag y'n dydhyow na, tus a wra hwilas ankow, ha ny'n kevons, ha merwel a vynnons, ha mernans a vynn fia dhiworta i.

Breusysi 11:20

Mes ny drestya Sihon may tremenna Ysrael der y diredh, ytho Sihon a guntellas oll y dus war-barth, hag a gampyas yn Yahas, hag a vatalyas orth Ysrael.