Ysay 15:3 - An Bibel Kernewek 20234 (Kernewek Kemmyn)

³ Y'n stretys i a omwrogys gans yskar; war an tohow hag y'n plenys pubonan a oul, owth oela dagrow.

Ysay 15:3 ပူးပေါင်းရင်းမြစ်များ

Matthew 11:21

‘Go-jy Korasin! Go-jy Bethsada! rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu.

Yeremia 19:13

ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 22:1

An profoesans a-dro dhe nans an welesigeth. Pandr'yw dhis, ty dhe yskynna dhe'n tohow, pub huni,

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

2 Myghternedh 6:30

Pan glewas an myghtern geryow an venyn, ev a skwardyas y dhillas. Pan esa ow tremena war an fos, an bobel a viras, hag otta, ev a'n jevo yskar a-bervedh nessa dh'y groghen.

2 Samuel 3:31

Ena Davydh a leveris dhe Yoab ha dhe oll an bobel esa ganso, ‘Skwardyewgh agas dillas, hag omwrogysewgh gans yskar, ha kynewgh war Abner.’ Ha myghtern Davydh a holyas an eler.

Dewteronomi 22:8

Pan dhrehevydh chi nowydh, y hwredh fos-witha rag dha do, ma na worrydh goes y'th chi mar koedh nebonan dhiworto.

Jamys 5:1

Dewgh lemmyn, a dus rych, gwrewgh oela ha kyni war agas galarow ow tos warnowgh.

1 Samuel 5:12

an wer na verwis a veu plagys gans hwedhow, ha kri an sita eth yn-bann dhe nev.

Ysay 3:24

Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Yeremia 48:37

Rag pub penn a vydh moel ha pub barv treghys dhe-ves; war bub leuv y fydh skwardyow, hag yskar war an klunyow.

Kynvannow 2:10

Yma henavogyon myrgh Sion owth esedha war an dor yn tawesek; i re dewlis doust war aga fenn hag omwrogysa gans yskar; gwyrghesow Yerusalem a blegyas aga fenn dhe'n dor.

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.