Ysay 14:4 - An Bibel Kernewek 20234 (Kernewek Kemmyn)

⁴ ty a gemmer an kows ma yn-bann erbynn myghtern Babylon, ha leverel: Fatell hedhis an turant! Fatell hedhis an omsettyans!

Ysay 14:4 ပူးပေါင်းရင်းမြစ်များ

2 Kroniklys 36:18

Oll lestri chi Duw, bras ha byghan, ha tresoryow chi an Arloedh, ha tresoryow an myghtern ha'y soedhogyon, oll an re ma ev a dhros dhe Babylon.

Ysay 13:1

Profoesans a-dro dhe Babylon, a wrug Ysay mab Amos y weles.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Ysay 14:17

neb a wrug an nor avel gwylvos, neb a dhomhwelas y sitys, ha ny asas y brisnoryon dhe vos tre?’

Ysay 14:5

An Arloedh re derris lorgh an debeles, an dernwelenn a rewloryon,

Ysay 14:6

neb a weskis poblow yn sorr gans strokosow heb hedhi, hag yn konnar fetha kenedhlow gans arwask heb fronn.

Ysay 16:4

Trigens genes an re skattrys dhiworth Moab; bydh skovva dhedha rag an distruer.’ Ny vydh an arwasker na fella, hedhi a wra an terroes, ha'n ravner a vydh gyllys dhiworth an tir.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Ysay 47:5

Esedh yn taw, ha ke yn tewlder, A vyrgh Kaldea! Rag ny'th henwir na fella mestres gwlaskordhow.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 51:13

Ty re ankovas an Arloedh, dha Wrier, neb a lesas an nevow hag a fondyas selyow an norvys. Oll an jydh ty a berth own, drefenn konnar an gwasker, neb a'n jeves mall a dhistrui. Mes ple'ma konnar an gwasker?

Ysay 51:23

Ha my a'n gorr yn dorn dha dormentorys, neb a leveris dhis, ‘Pleg dhe'n dor rag may kerthyn warnas’; ha ty re wrug dha geyn avel an dor, hag avel an stret rag tus dhe dremena warnodho.

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Yeremia 24:9

My a wra dhedha bos euth, pyth drog, yn oll gwlaskordhow an nor, dhe vos keredh ha droglavar, tont ha molleth yn oll an tylleryow ma's fesyav.

Yeremia 48:17

Kynewgh warnodho, hwi oll yn y gyrghynn, ha peub a aswonn y hanow; leverewgh, ‘Ass yw terrys an dernwelenn alloesek, an vagel splann!’

Kynvannow 4:1

Ass yw an owr tewlhes, ass yw treylys an owr pur! Meyn an sentri yw skattrys orth penn pub stret.

Ezekiel 5:15

Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Daniel 2:38

Ha plepynag eus trigys mebyon den, bestes gwyls hag ydhyn an ebron, ev re's gorras y'th torn, ha gul orthis rewlya warnedha oll. Ty yw an penn a owr.

Habakkuk 2:17

Rag garowder erbynn Lebanon a'th kudh, ha ladhva an bestes a'th ownekha, drefenn goes mab-den, ha garowder erbynn tiryow, erbynn sitys, ha myns eus trigys ynna.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.

Diskwedhyans 18:16

ow leverel, ‘Tru, tru, an sita vras, gwiskys yn sendal, ha purpur ha pann kogh, ha kudhys gans owr ha men meur y bris, ha perlys!

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.