Ysay 14:32 - An Bibel Kernewek 20234 (Kernewek Kemmyn)

³² Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 14:32 ပူးပေါင်းရင်းမြစ်များ

2 Samuel 8:10

Toi a dhannvonas y vab Yoram dhe Davydh, dh'y salusi ha'y venniga, drefenn ev dhe omladh erbynn Hadadezer ha'y fetha; rag Hadadezer re werrsa gans Toi. Yoram a dhros ganso lestri a arghans, ha lestri a owr, ha lestri a vrons;

Salmow 102:16

Pan dhrehav an Arloedh Sion, y hwelir ev yn y wolewder.

Salmow 102:28

Fleghes dha wesyon a dhur; ha'ga has a vydh fastys y'th wolok.

Salmow 48:4

Rag otta, an vyghternedh a omguntellas, i a dremenas war-barth.

Salmow 87:1

Yma hy sel hi war an menydhyow sans;

Salmow 87:5

Hag a-dro dhe Sion y fydh leverys, ‘Hemma ha hemma a veu genys ynni’; ha'n Ughella y honan a wra hy fastya.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 37:32

rag remenant a yn-mes dhiworth Yerusalem, ha diankoryon dhiworth menydh Sion. Avi Arloedh an luyow a wra hemma.

Ysay 37:9

An myghtern a glewas y teuth Tirhaka myghtern Kush yn-mes dhe vatalyas orto. Pan glewas hemma, ev a dhannvonas kannasow dhe Hezekia, ow leverel,

Ysay 39:1

Y'n termyn na Merodak-baladan mab Baladan myghtern Babylon a dhannvonas lytherow ha ro dhe Hezekia, rag ev a glewas ev dhe vos klav, hag ena yaghhes.

Ysay 4:6

Hi a vydh goskes dhe woskeusi rag syghor dydhweyth, ha skovva ha kudh rag tewedh ha glaw.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 54:11

Ty druan, tewedhek, ha na veus konfortys, otta, my a sett dha veyn yn antimoni, ha'th fondya war selyow a saffir.

Ysay 57:13

Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Ebrowyon 11:10

Rag y hwaytya an sita hag a's tevo selveyn, ha'n pennser ha'n byldyer anedhi yw Duw.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?