Ysay 14:3 - An Bibel Kernewek 20234 (Kernewek Kemmyn)

³ Y'n jydh may hwra an Arloedh ri dhis powes dhiworth dha alar ha'th ankres ha dhiworth an ober kales a veus gwrys dhe lavurya ynno,

Ysay 14:3 ပူးပေါင်းရင်းမြစ်များ

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 32:18

Ow fobel a drig yn peurva hebask, yn annedhow saw, hag yn powesvaow kosel.

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Yeremia 17:4

Ha ty a lews dha leuv dhiworth dha eretons a res dhis; ha my a'th wra dhe servya dha eskerens y'n tir na aswonnydh: rag an tan re enowsowgh y'm sorr, a lesk bys vykken.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Yeremia 30:8

Rag y'n jydh na, yn-medh Arloedh an luyow, my a derr an yew a'th konna, ha my a dardh dha rawyow, ha ny wra estrenyon aga gul yn kethyon namoy.

Yeremia 50:34

Aga Dasprenyas yw krev; Arloedh an luyow yw y hanow. Ev a bled aga hen yn sur, may rollo powes dhe'n tir, mes ankres dhe annedhysi Babylon.

Ezekiel 28:24

Ny'n jevydh chi Ysrael na fella spedhas dh'aga gwana na spern dh'aga fystiga yn mysk oll aga hentrevogyon, a wre aga despitya. Ena i a woer my dhe vos an Arloedh Duw.

Zekaria 8:2

Yndellma y lever Arloedh an luyow: My yw pur avius rag Sion; avius ov rygdhi gans gwres meur.

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Dewteronomi 28:48

ty a serv dha eskerens a wra an Arloedh dha Dhuw dannvon er dha bynn, yn nown, hag yn syghes, hag yn noethedh, hag yn esow a bup-tra oll; hag ev a worr yew a horn war dha gonna, bys may hwrello dha dhistrui.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.