Ysay 14:2 - An Bibel Kernewek 20234 (Kernewek Kemmyn)

² Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Ysay 14:2 ပူးပေါင်းရင်းမြစ်များ

Ezra 2:65

heb rekna aga gwesyon ha'ga maghtethyon, seyth mil, tri hans, seytek warn ugens aga niver: hag yth esa dhedha dew kans kenyas ha kenyades.

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Ysay 18:7

Y'n termyn na rohow a vydh dres dhe Arloedh an luyow dhiworth pobel hir ha leven, dhiworth pobel ownys ogas ha pell, kenedhel grev a drett yn-dann dreys, mayth yw y wlas rynnys gans avonyow; i a's dre dhe dyller hanow Arloedh an luyow, dhe venydh Sion.

Ysay 31:8

‘Assyria a goedh der an kledha a-der dre wour, ha kledha, nag yw a vab-den, a's devor. I a fi dhe'n fo rag an kledha ha'ga gwer yowynk a vydh gorrys dhe hwel krev.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 49:22

Yndellma y lever an Arloedh Duw: Otta, my a dhrehav ow dorn dhe'n kenedhlow, ha settya ow baner yn-bann dhe'n poblow; i a dhre dha vebyon yn aga askra, ha'th vyrghes a vydh degys war aga diwskoedh.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 49:25

Mes yndellma y lever an Arloedh: Kethyon a vydh kemmerys dhiworth breselyas hogen, ha preydh turant a vydh sawys, rag my a striv gans an re a striv orthis, ha my a saw dha fleghes.

Ysay 54:3

Rag ty a omles a-dhyghow hag a-gledh, ha'th has a erit an kenedhlow, hag a wra dhe'n sitys ynyal bos annedhys.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Ysay 60:4

Drehav dha dhewlagas a-derdro ha gwel: i oll a guntell ha dos dhis; dha vebyon a dheu a bellder, ha dha vyrghes war glun aga magoresow.

Ysay 61:5

Estrenyon a sev ha bugelya agas deves, ha mebyon estren a vydh agas tiogyon ha gonedhysi agas gwinlannow.

Ysay 66:12

Rag yndellma y lever an Arloedh: Awottavy owth ystynn kres dhedha avel avon, ha glori an kenedhlow avel avon ow fenna; ha ty a dhen ha bos degys war hy klun, ha leskys war hy dewlin.

Yeremia 30:16

Ytho oll an re a'th tevor a vydh devorys, ha'th eskerens, peub anedha a wra mos yn divroedh; an re a'th pyll a vydh pyllys, hag oll an re a breydh warnas my a wra preydh.

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Ezekiel 39:10

Ny guntellons prenn dhiworth an gwel, na'y dreghi dhiworth an koeswigow, rag i a wra tan gans an arvow; i a gemmer preydh dhiworth an re a gemmeras preydh dhiworta i, hag i a byll an re a's pyllas i, yn-medh an Arloedh Duw.

Daniel 7:18

mes syns an Ughella a dhegemmer an wlaskor, hag i a bew an wlaskor bys vykken ha bynnari.’

Yoel 3:8

Ha my a werth agas mebyon ha'gas myrghes yn diwleuv mebyon Yuda, hag i a wra agas gwertha dhe'n Sabeanys, dhe genedhel pell; rag yndellma an Arloedh re gewsis.

Levitikus 25:44

Dha gethyon ha'th kethesow usi genes a vydh a'n kenedhlow trigys a-dro dhywgh. Anedha i ty a bren kethyon ha kethesow.

Obadia 1:17

Mes war venydh Sion y fydh remenant a'n re a dhienk, hag y fydh tyller sans. Ha chi Yakob a dhaskemmer eretons an dus a gemmersa aga eretons i.

Zekaria 2:13

Taw a-rag an Arloedh, oll kig, rag difunys yw a-dhiworth y drigva sans.

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Luk 12:45

Mes mar lever an kethwas na yn y golonn, “Delatya a wra ow mester y dhevedhyans”, ha dalleth gweskel an wesyon ha'n maghtethyon, ow tybri hag eva hag omvedhwi,

Romanyon 15:27

Rag da o gansa ha kendonoryon dhedha yns, rag mar kevrenna an kenedhlow gansa yn aga thaklow spyrysel, y tegoedh dhedha ynwedh yn taklow a'n kig menystra dhedha.

2 Korinthianys 10:5

ha pub tra woethus hag a sett orth godhvos Duw, hag ow talghenna yn keth pub tybyans rag gul dhodho bos gostydh dhe Grist,

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Efesianys 4:8

Ytho leverys veu, ‘Wosa yskynna yn ughelder, ev a hembronkas prisnoryon, hag a ros rohow dhe dus.’

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.