Ysay 13:9 - An Bibel Kernewek 20234 (Kernewek Kemmyn)

⁹ Otta, dydh an Arloedh a dheu, fell, gans konnar ha sorr fers, dhe wul an tir ynyal ha distrui peghadoryon dhiworto.

Ysay 13:9 ပူးပေါင်းရင်းမြစ်များ

Salmow 104:35

Gas peghadoryon dhe vos kisys yn-mes a'n nor, ha na as an debeles dhe besya namoy. Bennik an Arloedh, ow enev. Gormelewgh an Arloedh.

Lavarow Koth 2:22

mes an debeles a vydh terrys dhiworth an vro, ha'n falswesyon a vydh terrys dhe-ves anedhi.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 34:8

Ytho yma dhe'n Arloedh dydh dial, blydhen attal rag mentena ken Sion.

Ysay 63:4

Rag yth esa dydh dial y'm kolonn, ha blydhen ow daspren re dheuth.

Ysay 66:17

An re a omsaker hag omlanhe dhe vos bys y'n lowarthyow, ow siwya nebonan y'n kres, ow tybri kig an mogh, ha'n dra gasadow, ha'n logosenn, a dheu dhe dhiwedh war-barth, yn-medh an Arloedh.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Ezekiel 13:5

Ny yskynnsowgh bys y'n aswaow, na ny dhrehevsowgh fos rag chi Ysrael, may saffo y'n gas yn dydh an Arloedh.

Ezekiel 30:3

Rag ogas yw an jydh, ogas yw dydh an Arloedh; y fydh dydh a gommol, prys breus an kenedhlow.

Yoel 1:15

Ellas rag an jydh! rag ogas yw dydh an Arloedh, hag avel terroes dhiworth an Ollgalloesek y teu.

Yoel 2:1

Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Yoel 2:31

An howl a vydh treylys dhe dewlder, ha'n loer dhe woes, kyns dos dydh an Arloedh, bras hag euthyk.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Nahum 1:8

Mes gans liv ow fenna ev a gowldhistru hy thyller, hag ev a helgh y envi bys yn tewlder.

Sefania 1:15

Dydh a sorr yw an jydh na, dydh anken hag ankres, dydh arnow ha difeyth, dydh tewlder ha tewlwolow, dydh kommol ha tewlyjyon,

Zekaria 14:1

Awotta, dydh a dheu rag an Arloedh, may fo rynnys dha breydh a-berth ynnos.

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’