Ysay 13:7 - An Bibel Kernewek 20234 (Kernewek Kemmyn)

⁷ Rakhenna pub leuv a vydh gwann, ha'n golonn a bub den a deudh.

Ysay 13:7 ပူးပေါင်းရင်းမြစ်များ

Salmow 58:7

Gwrens i mos dhe-ves i avel dowr prest ow resek; pan bleg y warak, na vedhes y sethow lymm.

Eksodus 15:15

Lemmyn pennternedh Edom yw dyegrys; ledyoryon Moab yw dalghennys yn kren; oll annedhysi Kanan re deudhis dhe-ves;

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 37:27

Aga annedhysi, isel aga nerth, o digolonnek ha penndegys; i re dheuth ha bos avel plansow an gwel, kepar ha gwels bleudh kepar ha gwels war dohow goleskys gans gwyns an est.

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Yeremia 50:43

Myghtern Babylon a glewas nowodhow anedha, ha'y dhiwleuv a goedhas diweres; angoes a'n dalghennas, ha gloesow avel benyn yn gwelivos.

Yeremia 51:30

Breselyoryon Babylon re hepkorras omladh, i a worta yn aga dinasow; aga nerth re fyllis, i res eth ha bos avel benynes; tan re beu gorrys yn hy annedhow, hy barrow yw terrys.

Ezekiel 21:12

Garm hag oul, A vab den, rag yth yw erbynn ow fobel, yth yw erbynn oll pennsevigyon Ysrael. Tewlys yns dhe'n kledha war-barth gans ow fobel. Rakhenna hwett dha vordhos!

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Ezekiel 7:17

Oll an dhiwla a vydh dinerth, hag oll an dhewlin a vydh kepar ha dowr.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Nahum 2:10

Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Nahum 2:11

Ple'ma fow an lewyon, ha tyller dybri an lewyon yowynk, le may hwre an lew, an lewes, kerdhes, ha'n lewik, heb denvyth dhe worra own ynna?

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.