Ysay 13:4 - An Bibel Kernewek 20234 (Kernewek Kemmyn)

⁴ Son routh y'n menydhyow, haval dhe bobel vras; son tervans gwlaskordhow, kenedhlow kuntellys war-barth: yma Arloedh an luyow ow kuntell lu rag bresel.

Ysay 13:4 ပူးပေါင်းရင်းမြစ်များ

Ysay 17:12

Ogh tru, an tervans a lies pobel, ow terva kepar ha tervans an moryow; ha tarennans poblow kepar ha tarennans dowrow krev!

Ysay 48:14

Omguntellewgh, hwi oll, ha klewewgh: piw anedha re dhiskwedhas an taklow ma? An Arloedh a'n kar, ev a gowlwra y borpos war Babylon, ha'y vregh a vydh erbynn Kaldea.

Ysay 5:26

Ev a dhrehav baner rag kenedhlow a-bell, ha hwibana dhedha dhiworth pennow an bys. Awotta ev a dheu, uskis, gans toeth bras!

Ysay 5:30

Y'n jydh na ev a romm warnodho avel grommya an mor. Mar mirir orth an tir, awotta tewlder hag ankres; golow a vydh tewlhes gans an kommol.

Yeremia 21:4

Yndellma y lever an Arloedh, Duw Ysrael: My a dreyl an arvow bresel usi yn agas diwdhorn, gansa mayth omledhewgh erbynn myghtern Babylon, hag erbynn an Kaldeanys, a wra esedhva warnowgh a-ves dhe'n fosow, ha my a's kuntell yn kres an sita ma.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yoel 2:25

My a astiver dhywgh an blydhynyow a wrug hes an lokustes aga dybri, an lokust diaskell, an lokust distruel, ha'n lokust yowynk, ow lu bras a dhannvenis yn agas mysk.

Yoel 3:14

Routhow, routhow, yn nans an ervirans! Rag ogas yw dydh an Arloedh yn nans an ervirans.

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’