Ysay 13:22 - An Bibel Kernewek 20234 (Kernewek Kemmyn)

²² Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 13:22 ပူးပေါင်းရင်းမြစ်များ

Salmow 44:19

kyn y'gan brewsys yn tyller owrgeun, ha'gan kudha gans skeus ankow.

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Ysay 32:14

Rag an kastell a vydh forsakys, tervans an sita a dhifyk; Ofel ha'n tour-goelyas a vydh grugek bys vykken, lowena dhe asenes gwyls, peurva dhe flokkys,

Ysay 34:13

Spern a dyv dres hy falesyow, askall ha spedhas yn hy hastylli. Hi a vydh peurva owrgeun, ha trigva rag strusyow.

Ysay 34:14

Goedhviles a vet gans owrgeun, ha boghes a elow an eyl dh'y gila; ena ynwedh an churrys nos a dhehwel ha kavoes dhedha powesva.

Ysay 35:7

An tir poeth a vydh poll kors, ha'n tir sygh a vydh fentynyow dowr. Y'n tyller mayth esa owrgeun ow krowedha, an gwels a vydh kors ha papyrus.

Ysay 43:20

An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Yeremia 48:16

Yma terroes Moab yn ogas ha'y anfeusi a nes yn uskis.

Yeremia 51:33

Rag yndellma y lever Arloedh an luyow, Duw Ysrael: Myrgh Babylon yw avel leur-drushya y'n termyn mayth yw trettys; hwath unn pols byghan ha termyn hy threvas a dheu.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Kynvannow 4:3

Ynwedh owrgeun a ri aga bronn ha gasa aga helyn dhe sugna, mes myrgh ow fobel yw gyllys fell kepar ha strusyow y'n difeythtir.

Mika 1:8

Rag hemma y hwrav vy galari ha kyni; mos a wrav dieskis ha lomm, my a wra kynvann avel an owrgeun, ha drem avel an strusyow.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Sefania 2:14

Ha greow a wrowedh y'n kres anedhi, oll bestes an kenedhlow: an oula kornek ha'n klabytter a annedh yn pennow hy filars; aga lev a gan y'n fenestri; diswrians a vydh y'n treudhowyow: rag ev a lommha an parosweyth keder.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.