Ysay 13:18 - An Bibel Kernewek 20234 (Kernewek Kemmyn)

¹⁸ Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Ysay 13:18 ပူးပေါင်းရင်းမြစ်များ

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

2 Kroniklys 36:17

Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

Salmow 127:3

Otta, ertach an Arloedh yw mebyon, frut an brys yw y wober ev.

Ysay 13:16

Aga fleghes a vydh hakkys dhe demmyn a-rag aga dewlagas; aga chiow a vydh ravnys ha'ga gwragedh defolys.

Ysay 47:9

An dhew dra ma a dheu warnas, a-dhistowgh, a-ji dhe unn jydh: koll fleghes ha gwedhowses a dheu warnas yn leun, yn despit dhe'th husow pals, ha galloes meur dha worhanow.

Ysay 5:28

Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 5:16

Aga goen-sethow yw avel bedh igor, kasoryon alloesek yns pub huni.

Yeremia 50:30

Rakhenna hy gwer yowynk a goedh yn hy flenys, hag oll hy breselyoryon a vydh distruys y'n jydh na, yn-medh an Arloedh.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Yeremia 51:22

genes my a vrew gour ha benyn; genes my a vrew hen ha yowynk; ha genes my a vrew an gour yowynk ha'n voren;

Yeremia 6:23

I a dhalghenn an warak ha'n guw; fell yns, ny's teves truedh; aga lev a romm kepar ha'n mor; i a varghogeth war vergh, arayys rag kas avel gwer bresel er dha bynn, A vyrgh Sion.

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Daniel 7:5

Hag ottena best arall, an nessa, kepar hag ors. Omdhrehevys veu war unn denewen, hag yn y anow ynter y dhyns yth esa teyr asenn; hag i a leveris dhodho, ‘Sav yn-bann; deber meur a gig.’

Hosea 13:16

Samaria a vydh kessydhys, rag hi a rebellyas erbynn hy Duw. I a goedh der an kledha; aga fleghesigow a vydh terrys dhe demmyn, ha'ga benynes veghyek a vydh skwardys igor.

Nahum 2:1

Ev neb a skatter yw devedhys erbynn dha fas. Gwith an fos, aspi orth an fordh, krevha dha dhiwglun, krevha dha nerth yn feur.

Nahum 3:10

Byttegyns hi ynwedh eth yn divroedh, hi eth yn kethneth: ynwedh hy fleghes a veu terrys dhe demmyn dhe benn an stretys oll: i a dewlis prenn rag hy thus wordhi, ha'y thus vras oll a veu kelmys yn kargharow.