Ysay 13:17 - An Bibel Kernewek 20234 (Kernewek Kemmyn)

¹⁷ Otta, my a dhifun an Medys er aga fynn, na wrons vri a arghans, ha ny hwansons owr.

Ysay 13:17 ပူးပေါင်းရင်းမြစ်များ

Yeremia 51:11

Lymmewgh an sethow! Lenwewgh an goenyow! An Arloedh re dhrehevis spyrys myghternedh an Medys, rag y dowl a-dro dhe Babylon yw hy distrui, rag henn yw dial an Arloedh, dial rag y dempel.

Ysay 41:25

My a wrug dhe onan difuna dhiworth an gledhbarth hag ev a dheu, dhiworth an howldrehevel, hag ev a elow war ow hanow. Ev a stank war rewloryon kepar dell ve war leys, dell drett an priweythor an pri.

Ysay 21:2

Gwelesigeth asper yw disklerys dhymm; an traytour a drayt, an gwastyer a wast. Yskynn, Elam, gwra esedhva, Media; my a wrug dhe oll hy hanasow hedhi.

Yeremia 50:9

Rag otta, my a dhifun kuntelles a genedhlow meur a dir an gogledh, ha'ga dri yn-bann erbynn Babylon; hag i a omsett yn aray er hy fynn; alena hi a vydh kemmerys. Aga sethow yw avel kasor sleygh na dhehwel gwag y leuv.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

Yeremia 25:25

hag oll myghternedh Zimri, hag oll myghternedh Elam, hag oll myghternedh an Medys;

Yeremia 50:3

Rag yn-mes a'n gogledh y teu kenedhel er hy fynn, a wra hy thir ynyal, ha ny drig denvyth ynno, ha den ha best a fi dhe-ves.

Yeremia 50:30

Rakhenna hy gwer yowynk a goedh yn hy flenys, hag oll hy breselyoryon a vydh distruys y'n jydh na, yn-medh an Arloedh.

Yeremia 50:42

I a syns an warak ha'n guw, i yw fell ha ny dhiskwedhons truedh. Aga lev a romm avel an mor; i a varghogeth war vergh, settys yn aray avel gour rag batel, er dha bynn, A vyrgh Babylon!

Daniel 5:26

Ottomma styryans an mater: mene, Duw re niveras dha ruvaneth, ha gorra gorfenn warnedhi;