Ysay 13:11 - An Bibel Kernewek 20234 (Kernewek Kemmyn)

¹¹ My a gessydh an norvys rag y dhroktra, ha'n debeles rag aga sherewynsi. My a wra dhe woeth an re orgelus sessya, hag uvelhe balghder turans.

Ysay 13:11 ပူးပေါင်းရင်းမြစ်များ

Job 40:12

Mir orth peub yw goethus, ha'y iselhe; ha stankya war an debeles ple'mons ow sevel.

Lavarow Koth 11:31

Mars yw an den gwiryon rewardys war an norvys, kemmys moy an tebelwas ha'n peghador!

Lavarow Koth 8:13

Own an Arloedh yw kasa; goeth ha balghder ha'n fordh a dhroktra ha kows treus a gasav.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 14:21

Pareusewgh ladhva rag y vebyon drefenn peghosow aga thasow; ma na saffons hag erita an tir ha lenwel enep an nor a sitys.

Ysay 14:5

An Arloedh re derris lorgh an debeles, an dernwelenn a rewloryon,

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 2:17

Ena goeth den a vydh uvelhes, ha balghder tus a vydh iselhes; an Arloedh unnsel a vydh ughelhes y'n jydh na.

Ysay 22:14

Arloedh an luyow re dhiskudhas hemma y'm diwskovarn: Yn tevri ny vydh prenedh dhywgh rag an anewnder ma erna verwowgh, yn-medh an Arloedh, Duw an luyow.

Ysay 23:9

Arloedh an luyow a'n kusulyas, rag uvelhe goeth an splannder oll, ha rag shamya oll an re enorys a'n nor.

Ysay 24:21

Y'n jydh na an Arloedh a gessydh lu an re ughel usi a-ugh, ha myghternedh an tir usi war an dor.

Ysay 25:3

Rakhenna pobel grev a wra dha lorifia, ha sitys kenedhlow garow a berth own ahanas.

Ysay 25:5

Kepar ha syghor yn tir sygh, ty a demper tros estrenyon; kepar ha toemmder yn goskes kommol, ev a goselha kan turans.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 29:20

Rag ny vydh an turant na fella, ha'n den a wra ges a dheu dhe dhiwedh, hag oll an re yw hewoel dhe wul meschyv a vydh treghys dhe-ves;

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 5:15

Den yw plegys dhe'n dor, ha gour yw gwrys isel, ha dewlagas an re woethus a vydh isel.

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Yeremia 48:29

Ni re glewas a woeth Moab – ha pur woethus yw ev – a'y ughelder, ha'y woeth ha'y valghder, hag a'y golonn howtyn.

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Habakkuk 2:4

Awotta, goethus yw an den nag yw y enev ewn ynno, mes an den gwiryon a vew der y lelder.