Ysay 12:4 - An Bibel Kernewek 20234 (Kernewek Kemmyn)

⁴ Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 12:4 ပူးပေါင်းရင်းမြစ်များ

1 Kroniklys 16:8

Grassewgh dhe'n Arloedh, gelwewgh war y hanow, derivewgh y wriansow yn mysk an poblow.

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 105:1

Grassewgh dhe'n Arloedh, gelwewgh war y hanow, derivewgh y wriansow yn mysk an poblow.

Salmow 107:22

Ha gwrens i offrynna offrynnow grasyans, ha derivas y wriansow gans kanow lowena.

Salmow 113:5

Piw yw kepar ha'n Arloedh agan Duw, neb a'n jeves y drigva a-vann,

Salmow 148:13

Gormelens hanow an Arloedh, rag unnsel y hanow ev yw ughelhes, hag yma y splannder a-ugh nev ha nor.

Salmow 18:46

An Arloedh a vew, ha benniges re bo ow harrek, ha bedhes Duw ow selwyans ughelhes,

Salmow 21:13

Bydh ughelhes, A Arloedh, y'th nerth! Ni a gan hag a wormel dha alloes.

Salmow 22:31

I a dheu, ha derivas y ewnder dhe bobel a vydh genys, ev dhe vos neb a wrug hemma.

Salmow 34:3

Meurhewgh an Arloedh genev vy, hag ughelhyn ni y hanow war-barth.

Salmow 40:5

Meur yw niver dha varthusyon a wrussys, A Arloedh ow Duw, ha'th towlow ragon; nyns eus par dhiso jy. Mara's menekken vy, ha kewsel anedha, y fiens i moy es dell yllir aga nivera.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 57:5

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 68:5

Tas dhe'n omdhivasow, ha breusyas an gwedhwesow, yndella yw Duw yn y drigva sans.

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

Salmow 9:11

Kenewgh gormola dhe'n Arloedh trigys yn Sion, derivewgh y wriansow yn mysk an poblow.

Salmow 96:3

Derivewgh y wolewder yn mysk an kenedhlow, y varthusyon yn mysk oll an poblow.

Salmow 97:9

Rag ty, A Arloedh, yw ughel dres oll an nor; ty yw ughelhes yn feur a-ugh an duwow oll.

Eksodus 15:2

An Arloedh yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

Eksodus 33:19

Hag ev a leveris, ‘My a wra oll ow dader dhe dremena a-ragos, ha my a elow ow hanow, an Arloedh, a-ragos; ha grassyes vydhav dhe neb a vydhav grassyes dhodho, ha bos truedhek dhodho dhe neb yth ov truedhek.’

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:17

Ena goeth den a vydh uvelhes, ha balghder tus a vydh iselhes; an Arloedh unnsel a vydh ughelhes y'n jydh na.

Ysay 24:15

Rakhenna y'n howldrevel ri glori dhe'n Arloedh; hanow an Arloedh, Duw Ysrael, yn ynysow an mor.

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 33:5

An Arloedh yw ughelhes, trigys y'n ughelder; ev a lenow Sion a wirvreus hag ewnder.

Ysay 42:12

Rens i gordhyans dhe'n Arloedh ha derivas i y wormola y'n arvoryow.

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 66:19

My a sett tokyn yn aga mysk, ha dannvon re a'n dhiankoryon anedha dhe'n kenedhlow, dhe Tarshish, dhe Put, ha dhe Lud, an re a denn an warak, dhe Tubal ha Yavan, an ynysow pell, na glewsons son ahanav, na weles ow glori; hag i a dhiskler ow glori yn mysk an kenedhlow.

Yeremia 50:2

Diskleryewgh yn mysk an kenedhlow ha derivewgh, sevewgh baner ha derivewgh, na'n kudhewgh, leverewgh: Babylon yw kemmerys, Bel yw gorrys dhe veth, Merodak yw dyegrys. Hy imajys yw gorrys dhe veth, hy idolyow yw digolonnek.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Yowann 17:26

My a dherivas dhedha dha hanow, ha my a wra y dherivas, may fo ynna i an gerensa dredhi may hwrussys ow hara vy, ha my ynna i.’