Ysay 12:2 - An Bibel Kernewek 20234 (Kernewek Kemmyn)

² Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 12:2 ပူးပေါင်းရင်းမြစ်များ

2 Samuel 7:24

Ha ty a fastyas dha bobel Ysrael ragos dha honan dhe vos dha bobel bys vykken; ha ty, A Arloedh, eth ha bos aga Duw.

Job 13:16

Hemma a vydh ow selwyans, rag ny vedh den didhuw dos a-ragdho.

Salmow 112:8

Fast yw y golonn, ha ny berth own, erna wello y vynnas war y eskerens.

Salmow 118:14

An Arloedh yw ow nerth ha'm kan, hag ev re dheuth ha bos selwyans dhymm.

Salmow 118:21

My a ras dhis, rag ty re worthybis dhymm ha ty re dheuth ha bos ow selwyans.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 65:6

Der y nerth y hwra ev fastya an menydhyow; yma grogys a alloes a-dro dhodho.

Salmow 68:20

Agan Duw ni yw Duw a selwyans; ha der an Arloedh Duw yma diank rag ankow.

Salmow 68:21

Mes Duw a vrew penn y eskerens, klopenn blewek an den a bes hwath yn y gammweyth.

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Eksodus 15:2

An Arloedh yw ow nerth ha'm kan, hag ev res eth ha bos ow selwyans; hemm yw ow Duw ha'y wordhya a wrav, Duw ow thas, ha my a'n ughelha.

Ysay 10:24

Rakhenna yndellma y lever an Arloedh, Duw an luyow: Ow fobel, trigys yn Sion, na borth own a Assyria neb a'th wysk gans gwelenn, ha drehevel y lorgh er dha bynn, dell wrug Ejyp.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 27:5

Poken treylyens dhymm rag skovva; gwrens i kres genev vy, ya, gwrens i kres genev vy.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 38:20

An Arloedh a'm saw, ha ni a gan gans daffar kerdyn oll dydhyow agan bewnans yn chi an Arloedh.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 49:5

Ha lemmyn an Arloedh a lever, neb a'm formyas y'n dorr dhe vos y was, dhe dhri Yakob tre dhodho, ha may fo Ysrael kuntellys dhodho, rag enorys yth ov yn golok an Arloedh, ha'm Duw re dheuth ha bos ow nerth –

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 65:18

Mes lowenhewgh ha bedhewgh heudhik bys vykken y'n pyth a wrav y greatya; rag awottavy ow kreatya Yerusalem dhe vos joy, ha'y fobel heudhder.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Yoel 2:23

Ytho bedhewgh heudhik, hwi vebyon Sion, ha lowenhewgh y'n Arloedh agas Duw: rag ev re ros dhywgh an glaw a-varr rag ewnder, hag ev re dhros glaw yn-nans ragowgh: glaw a-varr ha glaw diwedhes kepar hag y'n dalleth.

Yona 2:9

Mes my, gans lev a rasyans, a wra sakrifis dhis; an pyth a ambosis my a gollenow. Selwyans yma dhe'n Arloedh.

Habakkuk 3:18

hwath my a lowenha y'n Arloedh, ha my a vydh heudhik yn Duw ow selwyans.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Diskwedhyans 7:10

hag i a armas, ughel aga lev, ow leverel, ‘Selwyans dh'agan Duw yw esedhys war an tron, ha dhe'n Oen.’

1 Samuel 2:1

Ena Hanna a bysis ha leverel, ‘Ow holonn a lowenha y'n Arloedh; ow horn yw ughelhes y'n Arloedh. Ow ganow yw moghhes dres ow eskerens, drefenn my dhe lowenhe y'th selwyans.