Ysay 11:9 - An Bibel Kernewek 20234 (Kernewek Kemmyn)

⁹ Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 11:9 ပူးပေါင်းရင်းမြစ်များ

Job 5:23

Rag ty a' fydh kevambos gans meyn an gwel, ha bestes an gwel a vydh yn kres genes.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 78:54

Ev a's dros dhe or y sentri, dhe'n menydh a brenas gans y leuv dhyghow.

Ysay 11:13

Avi Efraym a dhiberth, hag eskerens Yuda a vydh treghys dhe-ves; Efraym ny berth envi a Yuda, ha Yuda ny arvedh Efraym.

Ysay 11:8

Gwari a wra an flogh ow tena war doll an nader, ha'n flogh didhenys a worr y leuv war neyth an sarf.

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 32:16

Ena gwirvreus a drig y'n gwylvos, hag ewnder a annedh an tir feyth.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 35:9

Ny vydh lew ena, ha ny yskynn best gwyls warnedhi ow preydha; ny vydhons kevys ena, mes an re dhasprenys a gerdh ena.

Ysay 45:6

rag may hwodhvons, dhiworth an howldrehevel ha dhiworth an howlsedhes, nag eus nagonan a-der my, my yw an Arloedh ha nyns eus ken.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Ezekiel 34:25

My a wra kevambos kres gansa, ha pellhe drog vestes dhiworth an tir, hag i a drig y'n difeythtir yn sawder, ha koska y'n koeswigow.

Ezekiel 47:5

Arta ev a vusuras mil, hag yth o avon na yllis vy tremena dresti, rag an dowr re dhrehavsa lowr dhe neuvya ynno, avon na yllys tremena dredhi.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Hosea 2:18

Y'n jydh na my a wra kevambos ragdha, gans bestes an gwel, gans ydhyn an ebron, ha pryves an dor. My a dhral an warak, an kledha ha'n gas dhiworth an tir, ha my a's gwrav dhe wrowedha yn saw.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Zekaria 14:9

An Arloedh a vydh myghtern a-ugh oll an norvys. Y'n jydh na y fydh unn Arloedh, hag y hanow a vydh onan.

Zekaria 8:3

Yndellma y lever An Arloedh: My re dhehwelis dhe Sion ha my a vydh trigys yn mysk Yerusalem. Ena Yerusalem a vydh henwys ‘Sita an gwir’, ha menydh Arloedh an luyow ‘An menydh sans.’

1 Thessalonianys 5:15

Gwaytyewgh nag attallo denvyth drog rag drog, mes pup-prys siwyewgh an pyth yw da, an eyl rag y gila, ha rag pub den oll.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.