Ysay 11:5 - An Bibel Kernewek 20234 (Kernewek Kemmyn)

⁵ Ewnder a vydh grogys y dhiwglun, ha lenduri grogys y gres.

Ysay 11:5 ပူးပေါင်းရင်းမြစ်များ

Salmow 109:19

Bedhes hi kepar ha'n gwisk mayth omwisk ynno, ha kepar ha'n grogys a wisk a-dro dhodho pup-prys.

Salmow 45:4

Hag y'th veuredh marghok yn sewena drefenn gwirder ha klorder hag ewnder; ha'th leuv dhyghow a dhysk dhis taklow euthyk.

Salmow 89:9

Ty a rewl hwythfians an mor. Pan sev y donnow, ty a's koselha.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 32:1

Otta, myghtern a reyn yn ewnder ha pennsevigyon a wovern gans gwirvreus.

Ysay 59:17

Ev a wiskas ewnder avel hoberjon, ha basnett a selwyans war y benn; ev a wiskas dillas dial rag gwisk, hag omvaylya yn diwysykter avel mantell.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Hosea 2:20

My a wra ambos dhe'th temmedhi yn lenduri, hag ena ty a aswonn an Arloedh.

Zekaria 8:16

Hwi a wra an taklow ma: kewsewgh an gwir an eyl orth y gila; rewgh breus a wirder ha kres yn agas porthow;

2 Korinthianys 6:7

yn gwiryonsys a gows, yn nerth Duw, der arvow a ewnder y'n dhorn dhyghow hag y'n dhorn gledh,

Efesianys 6:14

Sevewgh, ytho, ha'gas diwglun grogysys gans gwirder, hag ow kwiska an lurik a ewnder,

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

1 Peder 4:1

Ytho, a-ban wrug Krist godhevel y'n kig, omarvewgh hwi ynwedh gans an keth brys, rag neb re wodhevis y'n kig re asas peghadow,

1 Yowann 1:9

Mar aswonnyn agan peghosow, lel yw ev hag ewnhynsek, hag ev a av dhyn agan peghosow, ha'gan glanha a bub kammhynseth.

Diskwedhyans 1:13

hag yn mysk an kantolbrennyer onan kepar ha Mab den, gwiskys yn pows ow trehedhes bys y'n treys, ha grogysys a-dro dhe'n dhiwvronn gans grogys owrek.

Diskwedhyans 3:14

‘Ha dhe el a'n eglos yn Laodikea skrif: An taklow ma a lever an Amen, an test len ha gwir, dalleth kreasyon Duw: