Ysay 11:15 - An Bibel Kernewek 20234 (Kernewek Kemmyn)

¹⁵ An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ysay 11:15 ပူးပေါင်းရင်းမြစ်များ

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 14:22

Ha mebyon Ysrael eth yn mysk an mor war dhor sygh, an dowrow ow pos fos dhedha a'ga dyghow hag a'ga kledh.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Ysay 19:16

Y'n jydh na Ejyp a vydh avel benynes. I a gren rag own, a-rag leuv Arloedh an luyow, a wra ev hy shakya er aga fynn.

Ysay 43:16

Yndellma y lever an Arloedh, a wra fordh y'n mor, hyns y'n dowrow meur,

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 7:20

Y'n jydh na an Arloedh a dregh der altenn a veu gobrenys a-dreus dhe'n avon – dre vyghtern Assyria – gols an penn, blew an diwarr, ha hi a remov an varv ynwedh.

Ysay 8:7

rakhenna awotta'n Arloedh a dhre warnedha dowrow bras ha meur an avon, myghtern Assyria gans oll y wolewder. Ha hi a dheu yn-bann dres oll hy hanolyow, ha mos war oll hy glannow;

Ezekiel 29:10

rakhenna otta, yth esov er dha bynn, hag erbynn dha avonyow, ha my a wra pow Ejyp ynyal kowal ha difeyth, dhiworth Migdol dhe Syene, bys yn or Ethiopia.

Ezekiel 30:12

My a wra an avonyow sygh, ha gwertha an pow yn leuv an debeles, ha gwastya an pow ha pup-tra eus ynno dre leuv estrenyon; my, an Arloedh, re gewsis.

Zekaria 10:11

I a wra tremena dre vor a ankres, ha gweskel an tonnow y'n mor hag oll downderyow an avon a vydh sygh. Goeth Assyria a vydh uvelhes, ha gwelenn Ejyp a dremen dhe-ves.

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.