Ysay 11:14 - An Bibel Kernewek 20234 (Kernewek Kemmyn)

¹⁴ I a nij yn-nans war skoedh an Filistysi yn howlsedhes; war-barth i a byll mebyon an howldrevel. I a ystynn aga leuv erbynn Edom ha Moab, ha an Ammonysi a vydh aga sojets.

Ysay 11:14 ပူးပေါင်းရင်းမြစ်များ

Ysay 14:29

Na lowenha, Filistia, ty oll, drefenn bos dralys an welenn a'th weskis; rag dhiworth gwreydhenn an sarf y teu nader, ha'y frut a vydh sarf askellek.

Ysay 15:1

Profoesans a-dro dhe Moab: Ar yn Moab yw gwastys, distruys yn unn nos. Kir yn Moab yw gwastys, distruys yn unn nos.

Ysay 16:14

Mes lemmyn an Arloedh a lever, Yn teyr blydhen kepar ha blydhynyow arvethesik, splannder Moab a vydh dispresys, spit dhe oll an routh vras, ha'n remenant a vydh pur vyghan ha gwann.

Ysay 25:10

Rag leuv an Arloedh a bowes war an menydh ma. Moab a vydh trettys yn-dann dreys yn dyller dell yw kala trettys yn teylek.

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 40:11

Keffrys pan glewas an Yedhewon esa yn Moab hag yn mysk an Ammonysi hag yn Edom hag yn oll an powyow, myghtern Babylon dhe asa remenant yn Yuda ha settya warnedha Gedalia mab Ahikam mab Shafan,

Yeremia 48:40

Rag yndellma y lever an Arloedh: Otta, ev a nij yn-nans avel er, ha lesa y dhiwaskell erbynn Moab;

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Yeremia 49:28

A-dro dhe Kedar ha gwlaskordhow Hasor a wrug Nebukadnessar myghtern Babylon aga fetha. Yndellma y lever an Arloedh: Sevewgh, kewgh yn-bann erbynn Kedar, ha distruewgh pobel an duryen.

Ezekiel 25:14

My a dal ow dial war Edom dre leuv ow fobel Ysrael, hag i a wra yn Edom war-lergh ow sorr ha'm konnar; hag i a woer ow dial, yn-medh an Arloedh Duw.

Daniel 11:41

Ena ev a dheu y'n tir splann, ha lies a wra trebuchya; mes an re ma a dhienk a'y dhorn: Edom ha Moab ha'n brassa rann a vebyon Ammon.

Yoel 3:19

Ejyp a vydh forsakys, hag Edom a vydh gwylvos ynyal, drefenn an freudh gwrys erbynn mebyon Yuda, rag i re skoellyas goes gwiryon yn aga thir.

Amos 9:12

may perghennons an remenant a Edom ha'n kenedhlow oll may feu ow hanow gelwys warnedha, yn-medh an Arloedh neb a wra hemma.

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Sefania 2:5

Go-i trigoryon an arvor, kenedhel an Kerethysi! Ger an Arloedh yw er agas pynn: A Kanan, bro an Filistysi, my a'th tistru ma na vydh triger gesys.

Sefania 2:7

Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Matthew 8:11

Ha my a lever y teu meur a dus dhiworth an howldrevel ha'n howlsedhes hag esedha orth moes gans Abraham hag Ysak ha Yakob yn gwlaskor nev,

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.