Ysay 10:5 - An Bibel Kernewek 20234 (Kernewek Kemmyn)

⁵ Ogh, Assyria, gwelenn ow sorr! an fust yn aga leuv yw ow honnar.

Ysay 10:5 ပူးပေါင်းရင်းမြစ်များ

Jenesis 10:11

Yn-mes a'n pow na yth eth dhe Assyria ha drehevel Nineve, ha Rehoboth-ir, ha Kalah,

2 Myghternedh 18:25

Yn tevri, a dheuth vy erbynn an tyller ma heb bodh an Arloedh rag y dhistrui? An Arloedh a leveris dhymm, Ke erbynn an pow ma ha'y dhistrui.’

2 Myghternedh 19:25

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Salmow 125:3

Rag ny wra gwelenn an tebelwas powes war ranndir an re wiryon, ma na worro an re wiryon aga diwleuv dhe sherewneth.

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Ysay 10:15

A wra an voel bostya erbynn an den a dregh ganso? A wra an heskenn braggya erbynn an den a heskenn gensi? Kepar ha pan wrello gwelenn shakya an den a wra y handla, po lath drehevel neppyth nag yw prenn!

Ysay 10:25

Yn pols pur vyghan sorrvann er agas pynn a worfenn, ha'm sorr a dreyl dh'aga distruyans i.

Ysay 13:5

I a dheu a dir pell, dhiworth pennow nev, an Arloedh hag arvow y sorrvann, dhe dhistrui an norvys oll.

Ysay 14:24

Arloedh an luyow re dos, ow leverel: Kepar dell vynnis vy, yndella y hwer; ha kepar dell erviris, yndella y sev:

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 23:13

Mirewgh orth pow an Kaldeanys; nyns yns i pobel na fella; Assyria a'n destnas rag goedhviles. I a dhrehevis aga thouryow-esedhva, ha destryppya aga palesyow, ha'y wul magor.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 29:2

Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Ysay 30:27

Otta, hanow an Arloedh a dheu a bellder, gans sorr ow leski, ha gans mog tew ow mos yn-bann; y dhiwweus yw leun a sorrvann, ha'y daves yw avel tan ow tevorya.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 34:2

Rag yma sorrvann dhe'n Arloedh erbynn oll an kenedhlow, ha konnar erbynn oll aga luyow. Ev re's distruis ha'ga ri dhe ladhva.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Ysay 7:17

An Arloedh a dhre warnas ha war dha bobel ha war ji dha das dydhyow na dheuth a-dhia'n jydh may tibarthas Efraym dhiworth Yuda: myghtern Assyria hogen.’

Ysay 7:20

Y'n jydh na an Arloedh a dregh der altenn a veu gobrenys a-dreus dhe'n avon – dre vyghtern Assyria – gols an penn, blew an diwarr, ha hi a remov an varv ynwedh.

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Ysay 8:7

rakhenna awotta'n Arloedh a dhre warnedha dowrow bras ha meur an avon, myghtern Assyria gans oll y wolewder. Ha hi a dheu yn-bann dres oll hy hanolyow, ha mos war oll hy glannow;

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 7:10

Otta an jydh! Otta re dheuth! An vreus res eth yn-mes; an welenn re vleujyowas, balghder re eginas.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Nahum 1:1

Dargan Nineve. Lyver gwelesigeth Nahum an Elkoshyas.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Sefania 2:13

Hag ev a ystynn y leuv erbynn an kledh ha distrui Assyria, ha gul Nineve yn difeyth, sygh kepar ha'n gwylvos.

Niverow 24:24

Mes gorholyon a wra dos a-dhiworth Kittim hag a wra plagya Asshur hag Eber; hag ev ynwedh a wra dos dhe dhistruyans.’