Ysay 10:3 - An Bibel Kernewek 20234 (Kernewek Kemmyn)

³ Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 10:3 ပူးပေါင်းရင်းမြစ်များ

Jenesis 31:1

Lemmyn ev a glewas geryow mebyon Laban ow leverel, ‘Yakob re gemmeras pup-tra eus dh'agan tas; ha dhiworth pythow agan tas ev a wrug oll an rychys ma.’

2 Myghternedh 7:15

I eth war aga lergh bys y'n Yordan; hag otta, oll an fordh o leun a dhillas ha daffar tewlys dhe-ves gans Aram yn-dann fyski. Ytho an kannasow a dhehwelis ha derivas dhe'n myghtern.

Job 31:14

pandr'a wrav pan wra Duw sevel yn-bann? pandr'a worthybav pan y'm hwither?

Lavarow Koth 11:4

Nyns eus prow a rychys yn dydh a sorr, mes ewnder a dhelirv a ankow.

Ysay 13:6

Oulyewgh, rag ogas yw dydh an Arloedh; kepar ha terroes dhiworth an Ollgalloesek.

Ysay 17:4

Y'n jydh na glori Yakob a vydh tanowhes, ha blonek y gig a vydh lehes.

Ysay 20:6

Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’

Ysay 26:14

Ny vew an re varow; ny sev spyrysyon an re varow. Rag ty re's kessydhyas ha'ga distrui; ty re wrug oll kov anedha dhe vos kellys.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 28:20

Rag an gweli yw re gott rag den dhe omystynna warnodho, ha'n ballenn yw re ynn rag den dhe omvaylya.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ysay 30:16

Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Ysay 30:5

pubonan a vydh methek dre bobel nag yw dhe les ragdha, na dhre naneyl gweres na les, mes meth ha keredh maga ta.

Ysay 30:7

Gweres Ejyp yw euver ha diles. Rakhenna my a's henow Rahab Diek.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 39:3

Ena Ysay an profoes a dheuth dhe vyghtern Hezekia, hag yn-medh ev dhodho, ‘Pandr'a leveris an wer ma hag a-ble teuthons dhis?’ Yn-medh Hezekia, ‘Dhiworth gwlas pell y teuthons dhymm, dhiworth Babylon.’

Ysay 5:14

Rakhenna ifarn re igoras y vryansenn a-les, hag igeri y anow dres musur; hy splannder ha'y thervysk a dhiyskynn ynno, ha'y routh, hag ev neb a lowenha.

Ysay 5:26

Ev a dhrehav baner rag kenedhlow a-bell, ha hwibana dhedha dhiworth pennow an bys. Awotta ev a dheu, uskis, gans toeth bras!

Yeremia 22:7

Ha my a bareus distruoryon er dha bynn, peub gans y arvow; i a derr dha geder dewisys ha'ga thewlel y'n tan.

Yeremia 4:30

Ha ty, gwastys, pandr'a wredh, owth omwiska yn kogh, owth omdakla gans tegennow owrek, ow liwa dha dhewlagas gans antimoni, yn euver yth omwredh teg; dha garoryon a'th tispres, i a hwila dha vewnans.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 9:9

A ny wrav vy aga hessydhya drefenn an traow ma? yn-medh an Arloedh: a ny vydh ow enev diellys war genedhel a'n par ma?

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.

Hosea 9:5

Pandr'a wrewgh hwi y'n dy'goel apoyntys, hag yn dydhyow goel an Arloedh?

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Amos 5:19

kepar ha pan fia gour dhiworth lew, hag ors ow tos er y bynn; po mos yn chi ha poesa erbynn an paros gans y dhorn ha bos brethys gans sarf.

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Sefania 1:18

Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Luk 19:44

i a'th terr dhe'n dor, ha'th fleghes ynnos, ha ny asons men war ven ynnos, rag ny aswonnsys termyn dha visitasyon.’

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.