Ysay 10:26 - An Bibel Kernewek 20234 (Kernewek Kemmyn)

²⁶ Arloedh an luyow a wra dhe skorja difuna er aga fynn, kepar dell weskis Midyan orth karrek Oreb, ha'y lorgh a vydh war an mor, kepar hag yn Ejyp.

Ysay 10:26 ပူးပေါင်းရင်းမြစ်များ

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Salmow 35:23

Sav, ha difun rag ow gwirvreus, rag pledya ow hen, ow Duw ha'm Arloedh.

Salmow 83:11

Gwra aga bryntinyon avel Oreb ha Zeeb, oll aga fennsevigyon avel Zebagh ha Salmunna;

Eksodus 14:16

Drehav dha welenn, hag ystynn dha dhorn dres an mor ha'y ranna, may hallo mebyon Ysrael mos war dhor sygh yn mysk an mor.

Ysay 10:24

Rakhenna yndellma y lever an Arloedh, Duw an luyow: Ow fobel, trigys yn Sion, na borth own a Assyria neb a'th wysk gans gwelenn, ha drehevel y lorgh er dha bynn, dell wrug Ejyp.

Ysay 11:16

y fydh fordh-veur dhiworth Assyria rag remenant y bobel yw gesys, kepar dell veu rag Ysrael y'n jydh mayth yskynnas yn-mes a bow Ejyp.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 30:31

Rag Assyria a vydh brewys gans lev an Arloedh, pan wra ev aga gweskel gans y welenn.

Ysay 30:32

Pub strekys a welenn an geredh a wra an Arloedh y worra warnodho a vydh gans son tabouryow ha sowtris, hag ev owth omladh orta yn batel gans strokosow y vregh.

Ysay 9:3

Ty re gressyas an genedhel, ty re veurhas an lowena; i a lowenha a-ragos kepar hag yn lowender an goeldheys, kepar dell yw tus fest heudhik pan rannons preydh.

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Diskwedhyans 11:18

Ha'n kenedhlow o serrys, ha'th sorr yw devedhys, ha'n termyn dhe vreusi an re varow, ha dhe ri gober dhe'th wesyon an brofoesi ha dhe'n syns ha dhe'n re a berth own a'th hanow, dhe'n re vyghan ha'n re veur ha dhe dhiswul an re a dhiswra an dor.’

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Breusysi 7:25

I a gachyas an dhew bennsevik a Midyan, Oreb ha Zeeb; i a ladhas Oreb orth an garrek a Oreb, ha Zeeb a ladhsons orth an gwinwask a Zeeb, hag i ow chasya an Midyanysi. I a dhros penn Oreb ha penn Zeeb dhe Gideon, tu arall an Yordan.