Ysay 10:22 - An Bibel Kernewek 20234 (Kernewek Kemmyn)

²² Kyn fydh dha bobel Ysrael avel tewes an mor, unnsel remenant anedhi a dhehwel. Kollva yw erghys, ow fenna gans ewnder.

Ysay 10:22 ပူးပေါင်းရင်းမြစ်များ

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

1 Myghternedh 4:20

Yuda hag Ysrael o diniver avel tewes an vorlann; i a dhybri hag eva ha lowen ens.

2 Myghternedh 19:31

rag remenant a yn-mes dhiworth Yerusalem, ha diankoryon dhiworth menydh Sion. Avi Arloedh an luyow a wra hemma.

Ysay 37:31

An remenant gesys a ji Yuda a wreydh war-nans, ha doen frut war-vann;

Ysay 46:3

Goslowewgh orthiv, chi Yakob, oll an remenant a ji Ysrael, neb re beu begh warnav a-dhia'n brys, degys a-ban esens y'n dorr;

Ysay 48:19

dha has a via avel an tewes, hag agh dha dorr avel y dewesennow, nevra ny via aga hanow treghys glan, na distruys a-ragov vy.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Ysay 60:22

An distyr ahanas a vydh avel mil, ha'n byghan avel kenedhel grev. My yw an Arloedh; yn y dermyn, distowgh my a'n gwra.

Ysay 65:8

Yndellma y lever an Arloedh: Dell yw an sugen hwath kevys yn bagas a rappys, ha den a lever, ‘Na wra y dhistrui, rag yma bennath ynno’, yn kettella my a wra a-barth ow servysi, heb distrui peub oll.

Ysay 8:8

hi a dremen dre Yuda avel liv ha drehedhes bys an konna; hag ystynnans hy eskelli a lenow les dha dir, Immanuel.

Yeremia 3:14

Treylyewgh, hwi fleghes dislen, yn-medh an Arloedh, rag my re'gas demmedhis: my a'gas kemmer, onan a sita, ha dew a deylu, ha my a'gas dre dhe Sion:

Yeremia 44:28

Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Daniel 9:27

Ha fastya ambos a wra ev gans lies der unn seythun; mes yn kres an seythun na y hwra ev dhe sakrifis hag offrynn hedhi; hag y'n tempel y fydh pyth kasadow an difeythter bys may fo an diwedh ordenys diverys war an distruer.’

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Diskwedhyans 20:8

Hag ev a wra mos yn-mes dhe doella an kenedhlow usi yn peswar sorn an norvys, Gog ha Magog, rag aga huntell war-barth dhe'n gas; ha'ga niver yw kepar ha tewes an mor.